ଝାରସୁଗୁଡା: ୧୯୯୪ ମସିହା ଜାନୁଆରୀ ୧ ତାରିଖରେ ରାଜ୍ୟର ପୂର୍ବତନ ମୁଖ୍ୟମନ୍ତ୍ରୀ ବିଜୁ ପଟ୍ଟନାୟକଙ୍କ ଦ୍ୱାରା ଝାରସୁଗୁଡା ଜିଲ୍ଲା ଗଠନ କରା ଯାଇଥିଲା । ଆଜି(ଶୁକ୍ରବାର) ଝାରସୁଗୁଡା ଜିଲ୍ଲାର ପ୍ରତିଷ୍ଠା ଦିବସ ମନମୋହନ ସ୍କୁଲ ପଡିଆରେ ପାଳନ କରାଯାଇଛି ।
ଝାରସୁଗୁଡା ଜିଲ୍ଲା ପ୍ରତିଷ୍ଠା ଦିବସ ପାଳିତ
ଜିଲ୍ଲାପାଳ ସରୋଜ ସାମଲ ମୁଖ୍ୟ ଅତିଥି ରୂପେ ଯୋଗ ଦେଇଥିଲେ । ପ୍ରତ୍ୟକ ବର୍ଷ ଝାରସୁଗୁଡା ଜିଲ୍ଲା ପ୍ରତିଷ୍ଠା ଦିବସକୁ ଝାରସୁଗୁଡା ଜିଲ୍ଲା ମହୋତ୍ସବ ବା ଦୁଲଦୁଲି ଭାବରେ ପାଞ୍ଚ ଦିନ ପାଳନ କରାଯାଇଥାଏ । କିନ୍ତୁ, ଚଳିତ ବର୍ଷ କୋରୋନା ମହାମାରୀକୁ ଆଖି ଆଗରେ ରଖି ଦୁଲଦୁଲିକୁ ନିରାଡ଼ମ୍ବର ଭାବେ ଦିନ ବେଳା ଗୋଟିଏ ଘଣ୍ଟାରେ କରାଯାଇଛି । ଏଥର ପ୍ଲାଜ଼ମା ଦାନ କରିଥିବା ବ୍ୟକ୍ତି ବିଶେଷଙ୍କୁ ମଞ୍ଚ ଉପରେ ସମ୍ମାନିତ କରାଯାଇଥିଲା ଏବଂ ରକ୍ତ ଦାନ ଶିବିରର ଆୟୋଜନ କରାଯାଇଥିଲା ।
ଝାରସୁଗୁଡାରୁ ରବିନାରାଣ ସାହୁ, ଇଟିଭି ଭାରତ
