ଝାରସୁଗୁଡ଼ା : ଟ୍ରକୁ ପଛପଟୁ ଧକ୍କା ଦେଲା ବାଇକ । ୨ ମୃତ ଜଣେ ଆହତ । ଏଭଳି ଘଟଣା ଘଟିଛି ଝାରସୁଗୁଡ଼ା ଜିଲ୍ଲାର ୪୯ ନମ୍ବର ଜାତୀୟ ରାଜପଥର ସାଗରପାଲି ଛକ ନିକଟରେ । ଗତ ରାତିରେ ଏହି ଦୁର୍ଘଟଣା ଘଟିଥିବା ଦୁଇଜଣ ବାଇକ ଆରୋହୀଙ୍କ ମୃତ୍ୟୁ ଘଟିଥିଲା । ତେବେ ଏଥରେ ଅନ୍ୟ ଜଣେ ଆହତ ହୋଇ ଗୁରୁତର ଅବସ୍ଥାରେ ଝାରସୁଗୁଡ଼ା ସଦର ଡାକ୍ତରଖାନାରେ ଚିକିତ୍ସିତ ହେଉଥିବା ସୂଚନା ମିଳିଛି । ୨ ମୃତକ ହେଉଛନ୍ତି ଟିକେଶ୍ବର ମୁଣ୍ଡା ଓ ଦଶରଥ ମୁଣ୍ଡା ଏବଂ ଆହତ ଗଣେଶ ମୁଣ୍ଡା ।
ଲଖନପୁର ପୋଲିସର ସୂଚନା ଅନୁଯାୟୀ ଏକ ଅଚଳ ହୋଇ ପଡ଼ିଥିବା ଟ୍ରକ ରାଜପଥ ପାର୍ଶ୍ବରେ ଠିଆ ହୋଇଥିବାବେଳେ ବେଲପାହାଡ଼ରୁ କନକତୋରା ପଟେ ଏକ ବାଇକରେ ତିନିଜଣ ଯାଉଥିବାବେଳେ ଟ୍ରକକୁ ଦେଖିନପାରି ପଛରୁ ଧକ୍କା ଦେଇଥିଲେ । ଏନେଇ ଘଟଣାସ୍ଥଳରେ ପୋଲିସ ପହଞ୍ଚି ଆମ୍ବୁଲାନ୍ସ ଯୋଗେ ସେମାନଙ୍କୁ ଡାକ୍ତରଖାନା ନେବା ସମୟରେ ଜଣଙ୍କର ମୃତ୍ୟୁ ହୋଇଥିବା ବେଳେ ଅନ୍ୟ ଜଣଙ୍କର ଚିକିତ୍ସାଧୀନ ଅବସ୍ଥାରେ ମୃତ୍ୟୁ ହୋଇଥିଲା । ତେବେ ଅନ୍ୟ ଜଣେ ଗୁରୁତର ଅବସ୍ଥାରେ ଚିକିତ୍ସିତ ହେଉଥିବା ଜଣାପଡିଛି। ତେବେ ସେମାନେ ଲଖନପୁର ଅଞ୍ଚଳର ଦେବଝରନ ଗାଁର ବୋଲି ପୋଲିସ ପକ୍ଷରୁ ସୂଚନା ମିଳିଛି ।
ଝାରସୁଗୁଡ଼ାରୁ ଗୁରୁଚରଣ ବାଘ, ଇଟିଭି ଭାରତ
