ଝାରସୁଗୁଡ଼ା: ରବିବାର ଝାରସୁଗୁଡ଼ା ସହରର ବେହେରାମାଲ ସ୍ଥିତ ବିଜେପି କାର୍ଯ୍ୟାଳୟରେ ବିଜେପି ପକ୍ଷରୁ ଏକ ସାମ୍ବାଦିକ ସମ୍ମିଳନୀ ଅନୁଷ୍ଠିତ ହୋଇଯାଇଛି । ସ୍ଵାସ୍ଥ୍ୟମନ୍ତ୍ରୀଙ୍କ ରୋଷେୟା ଆତ୍ମହତ୍ୟା ଘଟଣାକୁ କେନ୍ଦ୍ର କରି ଟାଉନ ଥାନା ସମ୍ମୁଖରେ ବିଜେପି ଏକ ଶାନ୍ତିପୂର୍ଣ୍ଣ ଧାରଣ ପ୍ରଦର୍ଶନ କରିବାର ଥିଲା । ଏନେଇ ବିଜେପି ପକ୍ଷରୁ ଗତକାଲି ଝାରସୁଗୁଡା ଟାଉନ ଥାନାରେ ଏକ ଲିଖିତ ଚିଠି ମଧ୍ୟ ପ୍ରଦାନ କରାଯାଇଥିଲା ।
ବିଜେଡି ପୋଲିସ ସହ ମିଶି ଶାନ୍ତିପୂର୍ଣ୍ଣ ଧାରଣାକୁ ଭଣ୍ଡୁର କରିଥିବା ଅଭିଯୋଗ କରିଛି ବିଜେପି
ହେଲେ ଆଜି ଶାନ୍ତିପୂର୍ଣ୍ଣ ଧାରଣା ଦେବା ଆଗରୁ ପୋଲିସ ଝଣ୍ଡାଛକ ଠାରୁ ଧର୍ମଶାଳା ଛକ ପର୍ଯ୍ୟନ୍ତ ୧୪୪ ଧାରା ଲାଗୁ କରିଥିବା ଅଭିଯୋଗ ହୋଇଛି । ବିଜେଡି ଏହି ଶାନ୍ତିପୂର୍ଣ୍ଣ ଧାରଣାକୁ ଭଣ୍ଡୁର କରିବା ପାଇଁ ପୋଲିସ ସହିତ ମିଶି ଏଭଳି କାର୍ଯ୍ୟ କରିଛି ବୋଲି ଆଜି ଅନୁଷ୍ଠିତ ହୋଇଥିବା ସାମ୍ବାଦିକ ସମ୍ମିଳନୀରେ ବିଜେପି ଅଭିଯୋଗ କରିଛି ।
ଝାରସୁଗୁଡ଼ାରୁ ଗୁରୁଚରଣ ବାଘ, ଇଟିଭି ଭାରତ
