ଝାରସୁଗୁଡା: ଶେଷରେ ତନୁଜାଙ୍କ ଦୁଃଖ ଶୁଣିଛି ପ୍ରଶାସନ । ମିଳିଛି ଚାକିରିର ପ୍ରତିଶ୍ରୁତି । ଜାତୀୟ ଫୁଟବଲ ଖେଳି ନାମ ଅର୍ଜନ କରି ଜାତୀୟ ଖେଳାଳୀରୁ ଛେଳିଚରାଳି ହୋଇଥିବା ତନୁଜା ବାଗଙ୍କ ଦୁଃଖ ବୁଝିଛନ୍ତି ଝାରସୁଗୁଡ଼ା ଜିଲାପାଳ । ଏହା ସାଙ୍ଗକୁ ମାସିକ 8000 ଟଙ୍କାର ପାରିଶ୍ରମିକ ମଧ୍ୟ ମିଳିବ ବୋଲି ଜିଲାପାଳ କହିଛନ୍ତି ।
'ଇଟିଭି ଭାରତ'ର ମହାପ୍ରଭାବ । ତନୁଜାଙ୍କ ଦୁର୍ଦ୍ଦଶାର ଖବର ପ୍ରଥମେ ପ୍ରସାରିତ ହୋଇଥିଲା ଇଟିଭି ଭାରତରେ । ଜିଲାପାଳ ଜ୍ୟୋତିରଞ୍ଜନ ପ୍ରଧାନ ତନୁଜାଙ୍କ ପାଇଁ ସରକାରଙ୍କ ତରଫରୁ ଯାହା ସହାୟତା ମିଳିପାରିବ ଦିଆଯିବ କହିଥିଲେ । ଝାରସୁଗୁଡା ଜିଲାପାଳ ଦେଇଥିବା ପ୍ରତିଶ୍ରୁତି ପୂରଣ କରିଛନ୍ତି । ତନୁଜା ଓ ତାଙ୍କର ସ୍ୱାମୀଙ୍କୁ ଜିଲାପାଳ କାର୍ଯ୍ୟାଳୟକୁ ଡାକି ଜିଲ୍ଲା କ୍ରୀଡା ଅଧିକାରୀଙ୍କ ସହ ଆଲୋଚନା କରିଥିଲେ । ସମସ୍ତ ସମସ୍ୟା ସମ୍ପର୍କରେ ଅବଗତ ହେବାପରେ ପରିବାର ପ୍ରତିପୋଷଣ ପାଇଁ ତୁରନ୍ତ ଆର୍ଥିକ ସହାୟତା ଯୋଗାଇଦେବା ସହ ସ୍ଥାୟୀ ନିଯୁକ୍ତି କରାଇଦେବାକୁ ପ୍ରତିଶ୍ରୁତି ଦେଇଛନ୍ତି ।
ଝାରସୁଗୁଡାରୁ ରବି ନାରାୟଣ ସାହୁ, ଇଟିଭି ଭାରତ
