ଝାରସୁଗୁଡା: ଡକାୟତି ଉଦ୍ୟମ ପଣ୍ଡ କଲା ଝାରସୁଗୁଡା ପୋଲିସ । ଚଢାଉ କରି ଜିଲ୍ଲାରେ 2ଟି ଡକାୟତି ଉଦ୍ୟମକୁ ବିଫଳ କରିବାରେ ସଫଳ ହୋଇଛି ଜିଲ୍ଲା ପୋଲିସ। ଆଇଓସିଏଲ ଠାରେ ଡକାୟତି ଯୋଜନା କରୁଥିବା ବେଳେ ପୋଲିସ ବିଶେଷ ସୂତ୍ରରୁ ଖବର ପାଇ ଘଟଣାସ୍ଥଳରେ ଚଢାଉ କରିଥିଲା । ସେହପରି ବ୍ରଜରାଜନଗର କୋଇଲାଖଣି ନିକଟରେ ଡକାୟତି ଯୋଜନାକୁ ପଣ୍ଡ କରିଛି ଓରିଏଣ୍ଟ ପୋଲିସ ।
ସୂଚନାମୁତାବକ, ଝାରସୁଗୁଡା ସ୍ଥିତ ଆଇଓସିଏଲଠାରେ ଡକାୟତି ଯୋଜନା କରୁଥିବା ବେଳେ ପୋଲିସ ବିଶ୍ବସ୍ତ ସୂତ୍ରରୁ ଖବର ପାଇ ଘଟଣାସ୍ଥଳରେ ଚଢାଉ କରିଥିଲା । ସେହି ସମୟରେ 4ଜଣ ଦୁର୍ବୃତ୍ତ ପୋଲିସ ଉପରକୁ 2 ରାଉଣ୍ଡ ଗୁଳି ଚାଳନା କରିଥିବା ସୂଚନା ଦେଇଛନ୍ତି ଝାରସୁଗୁଡା ଏସପି ଅଶ୍ବିନୀ କୁମାର ମହାନ୍ତି । ତେବେ ପୋଲିସ 4ଜଣଙ୍କୁ ଗିରଫ କରିଛି ।
ଅନ୍ୟପକ୍ଷରେ ବ୍ରଜରାଜନଗର ଅଞ୍ଚଳ ଓରିଏଣ୍ଟ ଥାନା ଅନ୍ତର୍ଗତ ଏକ ବନ୍ଦ ପଡିଥିବା କୋଇଲାଖଣି ନିକଟରେ ଡକାୟତି ଯୋଜନା କରୁଥିବାବେଳେ ଚଢାଉ କରି 5 ଜଣକୁ ଗିରଫ କରିଛି ଓରିଏଣ୍ଟ ପୋଲିସ । ସେମାନଙ୍କ ଠାରୁ ଗୋଟିଏ ବନ୍ଧୁକ, ମାରଣାସ୍ତ୍ର, 5ଟି ବାଇକ ଏବଂ ଅଫୁଟା ଗୁଳି ଜବତ କରିଛି ପୋଲିସ ।
ତେବେ ସମସ୍ତ 9 ଜଣଙ୍କ ନାମରେ ଆଗରୁ ଏକାଧିକ ଅପରାଧିକ ମାମଲା ଥିବା କହିଛନ୍ତି ଝାରସୁଗୁଡ଼ା ଏସପି ।
ଝାରସୁଗୁଡାରୁ ରବି ନାରାୟଣ ସାହୁ, ଇଟିଭି ଭାରତ
