ଯାଜପୁର : ଡ଼ଙ୍ଗା ଭସାଇବାକୁ ଯାଇ ପୋଖରୀରେ ବୁଡି ଯୁବକ ମୃତ । ଆଜି ସକାଳୁ (ଶୁକ୍ରବାର) କୋରେଇ ଥାନା ଅନ୍ତର୍ଗତ ଦାମୋଦରପୁର ଗାଁର ହରିହର ଦାସ କାଙ୍କଲା ଗାଁ ପୋଖରୀକୁ ଡଙ୍ଗା ଭସାଇବାକୁ ଯାଇଥିଲେ । ସେଠାରେ ଡଙ୍ଗା ଭସାଇବା ସମୟରେ ହରିହର ନିଜର ଭାରସାମ୍ୟ ହରାଇ ପୋଖରୀରେ ପଡି ଯାଇଥିଲେ ।
ତେବେ ଅନେକ ସମୟ ପରେ ହରିହର ପୋଖରୀରେ ଭାସୁଥିବା ଗ୍ରାମବାସୀ ଦେଖିଥିଲେ । ପରେ ଉଦ୍ଧାର କରି କୋରେଇ ସ୍ୱାସ୍ଥ୍ୟକେନ୍ଦ୍ରକୁ ଚିକିତ୍ସା ପାଇଁ ନେଇ ଯାଇଥିଲେ। ସେଠାରେ ଡାକ୍ତର ପ୍ରାଥମିକ ଚିକିତ୍ସା କଲା ପରେ ତାଙ୍କୁ ମୃତ ଘୋଷଣା କରିଥିଲେ।
ସେପଟେ ପୋଲିସ ଖବର ପାଇ ଘଟଣାସ୍ଥଳରେ ପହଞ୍ଚି ମୃତଦେହକୁ ବ୍ୟବଚ୍ଛେଦ ପାଇଁ ପଠାଇଛି । ଏକ ଅପମୃତ ମାମଲା ରୁଜୁ କରି ଘଟଣାର ତଦନ୍ତ କରୁଛି।
ଯାଜପୁରରୁ ଜ୍ଞାନ ରଞ୍ଜନ ଓଝା, ଇଟିଭି ଭାରତ
