ଯାଜପୁର: ଦିନକୁ ଦିନ ବଢିବାରେ ଲାଗିଛି ଚୋରା ମଦ କାରବାର । ଯାଜପୁରରେ ଦେଶୀ ଓ ବିଦେଶୀ ମଦ ଜବତ କରିବା ସହ 3 ଜଣଙ୍କୁ ଗିରଫ କରି କୋର୍ଟ ଚାଲାଣ କରାଯାଇଛି । ଏହା ସହ ଅଧିତ ତଦନ୍ତ ଜାରି ରଖିଛି ।
ସୂଚନା ଅନୁସାରେ,ଟମକା ଥାନା ଅଧିକାରୀଣୀ ବିଶେଷ ସୂତ୍ରରୁ ଖବର ପାଇ ଟମକା ଜନ୍ଦାପାଳ ଲେବୁଲ୍ କ୍ରସିଂ ନିକଟରେ ଚୋରା ମଦ କାରବାର ନେଇ ଖବର ପାଇଥିଲେ । ପୋଲିସ ଘଟଣାସ୍ଥଳରେ ପହଞ୍ଚି ୬୨ ଲିଟର ଦେଶୀ ଓ ୧୯୫ ବୋତଲ ବିଦେଶୀ ମଦ ଜବତ କରିଥିଲେ । ଏହି ଘଟଣାରେ ସମ୍ପୃକ୍ତି ନେଇ 3 ଜଣଙ୍କୁ ଗିରଫ କରି କୋର୍ଟ ଚାଲାଣ କରାଯାଇଛି । ଏହାସହ ଗୋଟିଏ ସାଇକେଲ ଓ ସ୍କୁଟିକୁ ମଧ୍ୟ ପୋଲିସ ଜବତ କରିଛି । ଗିରଫ ଅଭିଯୁକ୍ତ ମାନେ ହେଲେ ରମେଶ ସାହୁ ,ସୁମନ୍ତ ସାହୁ ,ସଞ୍ଜୟ ମହାନ୍ତ ବୋଲି ଜଣାପଡିଛି । ସମସ୍ତଙ୍କ ଘର କେନ୍ଦୁଝର ଜିଲ୍ଲାରେ ହୋଇଥିବା ସୂଚନା ମିଳିଛି । ସେମାନେ କେନ୍ଦୁଝରରୁ ମଦ ନେଇ ଯାଜପୁର ଜିଲ୍ଲାକୁ ବିକ୍ରୟ କରିବା ପାଇଁ ଆସୁଥିବା ବେଳେ ପୋଲିସ ସେମାନଙ୍କୁ ଗିରଫ କରିଥିଲା ।
ଯାଜପୁରରୁ ଜ୍ଞାନ ରଞ୍ଜନ ଓଝା,ଇଟିଭି ଭାରତ
