ଯାଜପୁର: ପାଣିକୋଇଲି ଥାନା ପଥରପଦା ନିକଟରେ ପାଣିକୋଇଲି ପୋଲିସ ଓ ଖଣି ଉପନିର୍ଦେଶକଙ୍କ ଚଢ଼ାଉରେ ଏକ ଚୋରା ଆଇରନ ବୋଝେଇ ଟ୍ରକ ଜବତ କରାଯାଇଛି । ଟ୍ରକଟି ଭଦ୍ରକ ଅଭିମୁଖେ ଯାଉଥିବା ବିଶେଷ ସୂତ୍ରରୁ ଖବର ପାଇ ଖଣି ଉପନିର୍ଦେଶକଙ୍କ କର୍ଯ୍ୟଳୟର ବରିଷ୍ଠ ଅଧିକାରୀ ଡ଼ମ୍ବୁରୁଧର ମହାନ୍ତ, ପିତାମ୍ବର ମହାନ୍ତ ଓ ଥାନା ଅଧିକାରୀ ସୁଶୀଲ କୁମାର ନାୟକ ପଥରପଦା ଛକ ନିକଟରେ ଗାଡିଟିକୁ ଧରିବାକୁ ଜଗିଥିଲେ ।
ଏହି ସମୟରେ ଯାଜପୁର ରୋଡ ପଟୁ ଆନ୍ଧ୍ରପ୍ରଦେଶ ରାଜ୍ୟ ଗାଡି ନମ୍ବରର ଏକ ଆଇରନ ବୋଝେଇ ଟ୍ରକ ଆସୁଥିବା ଦେଖି ପୋଲିସ ଅଟକାଇଥିଲା । ଏହାପରେ ଗାଡିର କାଗଜପତ୍ର ସହିତ ଆଇରନ ଓରର କାଗଜପତ୍ର ଦେଖିବାକୁ ମାଗିଥିଲା ବିଭାଗ୍ୟ ଅଧିକାରୀ । ମାତ୍ର ଗାଡିର ଡ୍ରାଇଭର କୌଣସି କାଗଜପତ୍ର ଦେଖେଇ ନପାରିବାରୁ ଗାଡିକୁ ଜବତ କରାଯାଇ ଥାନାକୁ ନେଇ ଆସିଥିଲେ ଥାନା ଅଧିକାରୀ । ତେବେ ଗାଡିଟିକୁ ଖଣି ଉପନିର୍ଦେଶକ ସିଜ୍ କରଥିବା ଜଣାପଡିଛି । ତେବେ ଗାଡ଼ିରେ ଆନୁମାନିକ ୨୦ ଟନର ଆଇରନଓର ଥିବା ବିଭାଗ୍ୟ ଅଧିକାରୀ ସୂଚନା ଦେଇଛନ୍ତି ।
ଯାଜପୁରରୁ ଜ୍ଞାନରଞ୍ଜନ ଓଝା, ଇଟିଭି ଭାରତ
