ଯାଜପୁର: ଟ୍ରକ ଧକ୍କାରେ ବାପାମାଆ ମୃତ, ଝିଅ ଗୁରୁତର । ଯାଜପୁର ଧର୍ମଶାଳା ଥାନା ନେଉଳପୁର ନିକଟରେ ଏକ ବାଇକ ସହ ବାଡେଇ ହୋଇଥିଲା ଟ୍ରକ । ଯାହାକୁ ନେଇ ଘଟଣାସ୍ଥଳରେ ଉତ୍ତେଜନା ଦେଖାଦେଇଥିଲା ।
ମୃତକ କରଞ୍ଜିଆ ଅଞ୍ଚଳର ବୋଲି ଜଣାପଡିଛି । ଏମାନେ ବାଇକ ଯୋଗେ 16 ନମ୍ବର ଜାତୀୟ ରାଜପଥରେ ନେଉଳପୁର ଯିବା ସମୟ ଟ୍ରକ ଧକ୍କା ଦେଇଥିଲା । ଘଟଣାସ୍ଥଳରେ ପତ୍ନୀଙ୍କ ମୃତ୍ୟୁ ହୋଇଥିବାବେଳେ ହସ୍ପିଟାଲରେ ବାପାଙ୍କ ମୃତ୍ୟୁ ହୋଇଛି । ଗୁରୁତର ଅବସ୍ଥାରେ 8 ବର୍ଷ ଝିଅଟିର ଧର୍ମଶାଳା ଗୋଷ୍ଠୀ କେନ୍ଦ୍ରରେ ଚିକିତ୍ସା ଜାରି ରହିଛି ।
ଦୁର୍ଘଟଣାରେ ବାପା-ମାଆ ମୃତ, ଝିଅ ଗୁରୁତର
ସେପଟେ, ଦୁର୍ଘଟଣାକୁ ସ୍ଥାନୀୟ ଲୋକେ ପ୍ରତିବାଦ କରି 16 ନମ୍ବର ଜାତୀୟ ରାଜପଥକୁ ଅବରୋଧ କରିଛନ୍ତି । ଫଳରେ ଶହ ଶହ ଗାଡିମୋଟର ରାସ୍ତାରେ ଅଟକି ରହିଛି । ଖବର ପାଇଁ ଧର୍ଶଶାଳା ପୋଲିସ ଘଟଣାସ୍ଥଳରେ ପହଞ୍ଚି ଲୋକଙ୍କୁ ବୁଝାସୁଝା କରୁଛି ।
ଯାଜପୁରରୁ ଜ୍ଞାନରଞ୍ଜନ ଓଝା, ଇଟିଭି ଭାରତ
