ଯାଜପୁର: ଆଜି ହେଉଛି ଦେବଶିଳ୍ପୀ ବିଶ୍ବକର୍ମାଙ୍କ ପୂଜା । ଏଥଛିପାଇଁ ଚଳଚଞ୍ଚଳ ହୋଇ ଉଠିଛି ବିଭିନ୍ନ ପୂଜା ମଣ୍ଡପ । ବୈଷୟିକ ଅନୁଷ୍ଠାନ ଗୁଡିକ ସମେତ ବିଭିନ୍ନ ଅନୁଷ୍ଠାନରେ ପୂଜା ପାଉଛନ୍ତି ବିଶ୍ବକର୍ମା। ବିଶେଷକରି ଯାଜପୁର ଜିଲ୍ଲାର ଶିଳ୍ପନଗରୀରେ ଥିବା ବିଭିନ୍ନ କଳକାରଖାନାରେ ପୂଜା ପାଉଛନ୍ତି ବିଶ୍ବକର୍ମା। ଏହାଛଡା ଜିଲ୍ଲାରେ ଥିବା ଟ୍ରକ , ବସ, ଟେକର ଆସୋସିଏସନ , ଇଲେକ୍ଟ୍ରିକାଲ ଡିଭିଜନ , ପାନୀୟଜଳ ବିଭାଗ ସମେତ ବିଭିନ୍ନ ଇଞ୍ଜିନିୟରିଂ କଲେଜରେ ମଧ୍ୟ ଦେବଶିଳ୍ପୀଙ୍କ ପୂଜାଅର୍ଚ୍ଚନା ଚାଲିଛି ।
ଚଳିତବର୍ଷ ଶିଳ୍ପନଗରୀ କଳିଙ୍ଗନଗରରେ ବହୁ ଧୁମଧାମରେ ପାଳନ ହେଉଛି ବିଶ୍ବକର୍ମା ପୂଜା। ଦିନରେ ପୂଜାର୍ଚ୍ଚନା ସାଙ୍ଗକୁ ପ୍ରସାଦ ସେବନ ଏବଂ ସନ୍ଧ୍ୟାରେ କଳିଙ୍ଗନଗରର ବିଭିନ୍ନ କଳାକାରଖାନାରେ ସାଂସ୍କୃତିକ କାର୍ଯ୍ୟକ୍ରମରେ ବଲିଉଡର ବହୁ ନାମିଦାମୀ କଳାକାର ଯୋଗ ଦେବାର କାର୍ଯ୍ୟକ୍ରମ ରହିଛି । ଏହାକୁ ଦୃଷ୍ଟିରେ ରଖି ସହରର ବିଭିନ୍ନ ଅଞ୍ଚଳରେ ଶାନ୍ତିଶୃଙ୍ଖଳା ବଜାୟ ରଖିବା ପାଇଁ ଜିଲ୍ଲା ପୋଲିସ ପକ୍ଷରୁ ବ୍ୟାପକ ପୋଲିସ ମୁତୟନ କରାଯାଇଛି ।
ଯାଜପୁରରୁ ଜ୍ଞାନରଞ୍ଜନ ଓଝା, ଇଟିଭି ଭାରତ
