ଯାଜପୁର: ସାମାଜିକ ଗଣମାଧ୍ୟମ ଫେସ୍ବୁକ୍ରେ ଆପତ୍ତିନକ ପୋଷ୍ଟ କରିବା ଅଭିଯୋଗରେ ଦମ୍ପତି ଗିରଫ । ଯାଜପୁର ଦଶରଥପୁର ବ୍ଲକ ୭ ନଂ. ଜୋନ୍ର ଜିଲ୍ଲାପରିଷଦ ସଭ୍ୟାଙ୍କ ଚରିତ୍ରକୁ ଇଙ୍ଗିତ କରି ପାଲଟପୁର ପଞ୍ଚାୟତର ଜ୍ୟୋତ୍ସ୍ନା ମହାପାତ୍ର କିଛି ଦିନ ହେବ ଫେସ୍ବୁକ୍ ମାଧ୍ୟମରେ ଆପତ୍ତିଜନକ ଫଟୋ ଓ ଅଶ୍ଳୀଳ ଭାଷା ପୋଷ୍ଟ କରିଆସୁଥିଲେ ।
ଏନେଇ ଜିଲ୍ଲାପରିଷଦ ସଭ୍ୟା ସମ୍ପୃକ୍ତ ମହିଳାଙ୍କୁ ଫେସ୍ବୁକ ମାଧ୍ୟମରେ ଏଭଳି ନକରିବାକୁ ଅନୁରୋଧ କରିଥିଲେ ମଧ୍ୟ ସମ୍ପୃକ୍ତ ମହିଳା ବେଫିକର ଭାବେ ଫେସ୍ବୁକ୍ରେ ଆପତ୍ତିଜନକ ଫଟୋ ଓ ଅଶ୍ଳୀଳ ଭାଷା ପୋଷ୍ଟ କରିବା ଜାରି ରଖିଥିଲେ । ଯାହାକୁ ନେଇ ଜିଲ୍ଲାପରିଷଦ ମଙ୍ଗଳପୁର ଥାନାରେ ଲିଖିତ ଅଭିଯୋଗ କରିଥିଲେ । ସେ ଜିଲ୍ଲା ଅତିରିକ୍ତ ଆରକ୍ଷୀ ଅଧିକ୍ଷକଙ୍କୁ ଭେଟି ଘଟଣାକୁ ନେଇ ଅଭିଯୋଗ କରିବା ସହିତ ଅଭିଯୁକ୍ତାଙ୍କୁ ଗରିଫ କରିବାକୁ ଦାବି କରିଥିଲେ । ଗତକାଲି ସଦର ପୋଲିସ ଅଭିଯୁକ୍ତ ମହିଳା ଜ୍ୟୋତ୍ସ୍ନା ଓ ତାଙ୍କୁ ସହଯୋଗ କରିଥିବା ସ୍ବାମୀ ରତିକାନ୍ତ ସ୍ବାଇଁଙ୍କୁ ଭୁବନେଶ୍ବର ଗଣ୍ଡମୁଣ୍ଡା ଅଞ୍ଚଳରୁ ଗିରଫକରି ମଙ୍ଗଳପୁର ଥାନାକୁ ହସ୍ତାନ୍ତର କରିଥିଲେ ।
ପରେ ଉଭୟ ଓ ସ୍ତ୍ରୀଙ୍କୁ ମଙ୍ଗଳପୁର ପୁଲିସ ଯାଜପୁର କୋର୍ଟରେ ହାଜର କରାଯାଇଥିବା ବେଳେ ଜାମିନ ନାମଞ୍ଜୁର ହେବାରୁ ଜ୍ୟୋତ୍ସ୍ନା ଓ ତାଙ୍କ ସ୍ବାମୀ ରତିକାନ୍ତ ଜେଲ୍ ଯାଇଥିବା ଜଣାପଡିଛି । ଅନ୍ୟପଟେ ଏଭଳି ଅଭିଯୋଗକୁ ଖଣ୍ଡନ କରିଛନ୍ତି ଅଭିଯୁକ୍ତଙ୍କ ପରିବାର ଲୋକେ ।
ଯାଜପୁରରୁ ଜ୍ଞାନ ରଞ୍ଜନ ଓଝା, ଇଟିଭି ଭାରତ
