ଯାଜପୁର : ଖାଦ୍ୟ ଅନ୍ବଷଣରେ ଆସି ମୃତ୍ୟୁ ମୁଖରେ ପଡିଲା ଭାଲୁ । ଯାଜପୁର ସୁକିନ୍ଦା ବ୍ଲକ୍ ହରିପୁର ଠାରେ ଭାଲୁର ମୃତ୍ୟଦେହ ଉଦ୍ଧାର ହୋଇଛି । ରବିବାର ହରିପୁର କଲେଜ ପାଖ କାଜୁଜଙ୍ଗଲରେ ଏକ ଭାଲୁ ବୁଲୁଥିବାର ଦେଖି ସ୍ଥାନୀୟ ଲୋକେ ଆତଙ୍କିତ ହୋଇଯାଇଥିଲେ । ପରେ ସୂଚନା ପାଇ ସ୍ଥାନୀୟ ବନବିଭାଗ ଅଧିକାରୀ ଭାଲୁକୁ କାବୁ କରିବା ପାଇଁ ପହଞ୍ଚି ଥିଲେ । ହେଲେ, ଗୋଟିଏ ବୁଦା ମୂଳେ ଭାଲୁର ମୃତଦେହ ଠାବ କରିଥିଲା ବନ ବିଭାଗ । ପରେ,ବ୍ୟବଚ୍ଛେଦ କରାଇବା ପରେ ପୋତି ଦେଇଥିବା ବନବିଭାଗ ପକ୍ଷରୁ ସୂଚନା ମିଳିଛି ।
ଖାଦ୍ୟ ଅନ୍ବଷଣରେ ଆସି ମୃତ୍ୟୁ ମୁଖରେ ପଡିଲା ଭାଲୁ
ଭାଲୁଟି ଶନିବାର ବିଳମ୍ବିତ ରାତିରେ ଖାଦ୍ୟ ଅନ୍ବେଷଣରେ ନିକଟସ୍ଥ ସୁନାଝର ଜଙ୍ଗଲରୁ ପଳାଇ ଆସିଥିବା ବନବିଭାଗ ପକ୍ଷରୁ ସୂଚନା ମିଳିଛି । ତେବେ ମୃତ୍ୟୁର କାରଣ ଅସ୍ପଷ୍ଟ ଥିବା ବେଳେ ବନବିଭାଗ ଦ୍ବାରା ଘଟଣାର ଅନୁସନ୍ଧାନ ଜାରି ରଖିଛି ।
ଯାଜପୁରରୁ ଜ୍ଞାନ ରଞ୍ଜନ ଓଝା, ଇଟିଭି ଭାରତ
