ଯାଜପୁର: କୋରୋନା ମହାମାରୀ ପାଇଁ ରାଜ୍ୟବ୍ୟାପୀ ଜାରି ରହିଛି ଲକଡାଉନ ଓ ସଟଡାଉନ । ଆଉ ଏହି ସମୟରେ ଗ୍ରାମାଞ୍ଚଳରେ ଅବାଧରେ ଚୋରା ମଦ କାରାବାର କରୁଛନ୍ତି କିଛି ଅସାମାଜିକ ବ୍ୟକ୍ତି ଏବଂ ଯେଉଁ ମାନେ ସେମାନଙ୍କୁ ବିରୋଧ କରୁଛନ୍ତି ତାଙ୍କୁ ମଧ୍ୟ ଗାଳିଗୁଲଜ କରୁଥିବା ଅଭିଯୋଗ କରିଛନ୍ତି ଗ୍ରାମବାସୀ ।
ପାଣିକୋଇଲି ଥାନା ବନେଇପୁର ମହିଳା ସୂଚନାନୁଯାୟୀ ପାଣିକୋଇଲି ଥାନା ଅନ୍ତର୍ଗତ କରଦା ଗ୍ରାମପଞ୍ଚାୟତର ବନେଇପୁର ଗ୍ରାମରେ କାଳନ୍ଦୀ ପଳତା ଏବଂ ନବ ପଳତା ନାମକ ଦୁଇଜଣ ବ୍ୟକ୍ତି ଚୋରା ମଦ କାରବାର କରୁଥିଲେ । ଖବର ପାଇ ଗ୍ରାମର ମହିଳା ମାନେ ମଦ କାରବାର ବନ୍ଦ କରିବା ପାଇଁ ଚେତାବନୀ ଦେଇଥିଲେ । ଏହାପରେ କାଳନ୍ଦୀ ପଳତା ଏବଂ ନବ ପଳତା ଦୁଇଜଣ ମିଶି ମଦ କାରବାରକୁ ବିରୋଧ କରୁଥିବା ମହିଳା ମାନଙ୍କୁ ଅଶାଳୀନ ଭାଷାରେ ଗାଳିଗୁଲଜ କରିବା ସହ ଚୋରା ମଦ ବେପାର ବନ୍ଦ କରିବେ ନାହିଁ ବୋଲି ଧମକ ଦେଇଛନ୍ତି ।
ଏନେଇ ବନେଇପୁର ଗାଁର ମହିଳା ମାନେ ଥାନାରେ ଅଭିଯୋଗ କରିଛନ୍ତି । ମହିଳା ମାନେ ଗାଁରେ ବେଆଇନ ମଦ ବିକ୍ରିକୁ ବନ୍ଦ କରିବାକୁ ଦାବି କରି ପାଣିକୋଇଲି ଥାନାର ଦ୍ୱାରସ୍ଥ ମଧ୍ୟ ହେଇଛନ୍ତି । ସେପଟେ ଖୁବଶୀଘ୍ର ଗାଁରେ ମଦ ବିକୁଥିବା ସ୍ଥାନରେ ଚଢ଼ାଉ କରାଯିବ ବୋଲି ଥାନାଧିକାରୀ ସୁଶୀଲ କୁମାର ନାୟକ ସୂଚନା ଦେଇଛନ୍ତି ।
ଯାଜପୁରରୁ ଜ୍ଞାନ ରଞ୍ଜନ ଓଝା, ଇଟିଭି ଭାରତ
