ଯାଜପୁର: କୋରେଇ ଥାନା ହଳଦିଗଡ଼ିଆ ଗାଁରେ ଦେଖିବାକୁ ମିଳିଛି ଏକ ଅଭାବନୀୟ ଘଟଣା । ସମ୍ପତି ପାଇଁ ବୃଦ୍ଧାଙ୍କୁ ଖୁଣ୍ଟରେ ବାନ୍ଧି ଘର ଭାଙ୍ଗିବା ଘଟଣା । ଏନେଇ ୩ ଜଣ ସଂପର୍କୀୟ କୋର୍ଟଚାଲାଣ କରାଯାଇଥିବା ନେଇ କୋରେଇ ଥାନାଧିକାରୀ ରଞ୍ଜିତ କୁମାର ମହାନ୍ତି ସୂଚନା ଦେଇଛନ୍ତି । ସୂଚନାନୁଯାୟୀ ଗତକାଲି ସାବିତ୍ରୀ ମହାରଣାଙ୍କୁ ସମ୍ପର୍କୀୟ ପୁଅ, ବୋହୁ ସମ୍ପତ୍ତି ପାଇଁ ଏକ ଖୁଣ୍ଟରେ ବାନ୍ଧି ତାଙ୍କ ଘରକୁ ଭାଙ୍ଗି ଦେଇଥିଲେ ।
ଏହି ଘଟଣା ଗଣମାଧ୍ୟମରେ ପ୍ରକାଶ ପାଇବା ପରେ କୋରେଇ ପୋଲିସ ଘଟଣାସ୍ଥଳରେ ପହଞ୍ଚି ଘଟଣାର ତଦନ୍ତ କରି ଆଜି (ରବିବାର) ତାଙ୍କର ସମ୍ପର୍କୀୟ ବୋହୁ ପଦ୍ମିନୀ ମହାରଣା, ପୁଅ କୈଳାସ ମହାରଣା ଓ ରାମଚନ୍ଦ୍ର ମହାରଣାଙ୍କୁ କେସ ନମ୍ବର 342, 323, 354, 379, 506 ଓ ୩୪ ଆଇପିସିରେ କୋର୍ଟଚାଲାଣ କରିଥିବା ଜଣାପଡ଼ିଛି ।
ତେବେ ଅନ୍ୟ ବ୍ୟକ୍ତି ମାନେ ଫେରାର ଥିବା ଯୋଗୁଁ ଗିରଫ ହୋଇପାରି ନଥିବା ନେଇ ପୋଲିସ ସୂଚନା ଦେଇଛି । ତଦନ୍ତ ପରେ ଏଥିରେ ଯେଉଁ ବ୍ୟକ୍ତିଙ୍କର ସମ୍ପୃକ୍ତି ଥିବ ଗିରଫ କରାଯିବ ବୋଲି ଥାନାଧିକାରୀ ସୂଚନା ଦେଇଛନ୍ତି ।
ଯାଜପୁରରୁ ଜ୍ଞାନ ରଞ୍ଜନ ଓଝା, ଇଟିଭି ଭାରତ
