ଯାଜପୁର: ବାଲି ବୋଝେଇ ଗାଡି ଉପରେ ଚଢ଼ାଉ, ଦୁଇଟି ହାଇଓ୍ବା ଜବତ । ଏହାସହ ଜଣଙ୍କୁ ଗିରଫ କରିଛି ପୋଲିସ । ସୂଚନା ମୁତାବକ ଗୁରୁବାର ବିଳମ୍ବିତ ରାତିରେ ପାଣିକୋଇଲି ଥାନା ଷଠିପୁର ଛକରେ ଗାଡିର କାଗଜପତ୍ର ଯାଞ୍ଚ ଚାଲିଥିଲା । ଏହି ସମୟରେ ଷଠିପୁର ବାଲିଘାଟ ଆଡୁ ଆସୁଥିବା ବିଭିନ୍ନ ଗାଡ଼ିର କାଗଜପତ୍ର ଯାଞ୍ଚ କରୁଥିଲା ପୋଲିସ ।
ବାଲି ବୋଝେଇ ଗାଡି ଉପରେ ପାଣିକୋଇଲି ପୋଲିସର ଚଢାଉ
ହେଲେ ଏହି ଗାଡି ମଧ୍ୟରୁ ଦୁଇଟି ବାଲି ବୋଝେଇ ହାଇଓ୍ବା ଗାଡିର କାଗଜପତ୍ର ଦେଖାଇ ପାରିନଥିଲା ଶେଷରେ ପାଣିକୋଇଲି ପୋଲିସ ହାଇଓ୍ବା ଦୁଇଟି ଓ ଚାଳକକୁ ଥାନାକୁ ନେଇ ଆସିଥିଲା । ଏଥି ସହିତ ଚାଳକଙ୍କୁ ଗିରଫ କରି କୋର୍ଟ ଚାଲାଣ କରାଯାଇଥିବା ପୋଲିସ ପକ୍ଷରୁ ସୂଚନା ମିଳିଛି । ଗତ ଦଶ ଦିନ ମଧ୍ୟରେ ୧୦ରୁ ଅଧିକ ବାଲି ବୋଝେଇ ଗାଡି ଜବତ ହୋଇଛି।
ଯାଜପୁରରୁ ଜ୍ଞାନରଞ୍ଜନ ଓଝା, ଇଟିଭି ଭାରତ
