ଯାଜପୁର: ଅଲୋଡ଼ା ହେଲା ଶିଶୁପୁତ୍ର । ନବଜାତ ଶିଶୁକୁ ନାଳରୁ ଉଦ୍ଧାର କରାଯାଇଛି । ଏଭଳି ଅଭାବନୀୟ ଦୃଶ୍ୟ ଦେଖିବାକୁ ମିଳିଛି ଯାଜପୁର ଜିଲ୍ଲାର ସୁକିନ୍ଦା ଥାନା ଅନ୍ତର୍ଗତ ବନ୍ଧଗାଁ ପଞ୍ଚାୟତର ଉଦୟପୁର ଗ୍ରାମରେ ।
ନବରଙ୍ଗପୁର ପରେ ଯାଜପୁର, ବୁଦା ମୂଳରୁ ଶିଶୁପୁତ୍ର ଉଦ୍ଧାର
ସୂଚନା ଅନୁସାରେ ଗ୍ରାମ ଦେଇ ଯାଇଥିବା ନାଳର କୂଳରେ ଥିବା ଏକ ବୁଦା ମୂଳରେ ଏହି ନବଜାତ ଶିଶୁପୁତ୍ରକୁ କେହି ଫିଙ୍ଗି ଦେଇ ଚାଲି ଯାଇଥିଲେ । ସକାଳେ ଗ୍ରାମର ଲୋକେ ନାଳକୁ ନିତ୍ୟକର୍ମ ସାରିବାକୁ ଯାଇଥିବା ବେଳେ ଏହି ଶିଶୁଟିକୁ ପାଇଥିଲେ । ଖବର ପାଇ ସ୍ଥାନୀୟ ସରପଞ୍ଚ ସେଠି ପହଞ୍ଚି ଥାନାକୁ ଖବର ଦେବା ସହ ନବଜାତକୁ ସୁକିନ୍ଦା ଗୋଷ୍ଠି ସ୍ବାସ୍ଥ୍ୟ କେନ୍ଦ୍ରକୁ ଆଣିଥିଲେ । ସେଠାରେ ପିଲାଟିର ପ୍ରାଥମିକ ସ୍ବାସ୍ଥ୍ୟ ପରୀକ୍ଷା ପରେ ତାକୁ ଶିଶୁ ସୁରକ୍ଷା ଅଧିକାରୀଙ୍କ ଦ୍ବାରା ଜିଲ୍ଲା ମୁଖ୍ୟ ଚିକିତ୍ସାଳୟକୁ ନିଆଯାଇଛି ।
ଇଟିଭି ଭାରତ, ଯାଜପୁର
