ଯାଜପୁର: ଭୋଟ ଗ୍ରହଣ ସମୟରେ ବିଞ୍ଝାପୁର ବାଛୋଳ ଗାଁରେ ସମ୍ବାଦିକଙ୍କୁ ଆକ୍ରମଣ ଘଟଣା । ଆଜି ଆଉ ଜଣେ ଅଭିଯୁକ୍ତକୁ ଗିରଫ କରି କୋର୍ଟ ଚାଲାଣ କଲା ପୋଲିସ । ଏନେଇ ସୂଚନା ଦେଇଛନ୍ତି ପାଣିକୋଇଲି ଏସପି ରାହୁଲ ପିଆର ।
JajpurJournalist Attack: ଆଉ ଜଣେ ଅଭିଯୁକ୍ତକୁ କୋର୍ଟ ଚାଲାଣ କଲା ପୋଲିସ
ସୂଚନା ମୁତାବକ, ଗତ ୨୦ ତାରିଖ ପଞ୍ଚାୟତ ନିର୍ବାଚନର ତୃତୀୟ ପର୍ଯ୍ୟାୟ ମତଦାନ ସମୟରେ ବିଞ୍ଝାପୁର ବାଛୋଳ ଗାଁରେ ତିନିଜଣ ସମ୍ବାଦିକ ଖବର ସଂଗ୍ରହ କରିବାକୁ ଯାଇଥିବା ସମୟରେ ଲୋକଙ୍କ ଆକ୍ରମଣର ଶିକାର ହୋଇ ଗୁରୁତର ଆହତ ହୋଇଥିଲେ । ଏହି ଘଟଣାକୁ ଏସପି ରାହୁଲ ପିଆର ଗୁରୁତର ସହ ନେଇ ପୂର୍ବରୁ ୧୫ ଜଣକୁ ଗିରଫ କରି କୋର୍ଟ ଚାଲାଣ କରିଥିଲେ।
ଏହା ମଧ୍ୟ ପଢନ୍ତୁ:-ସାମ୍ବାଦିକଙ୍କୁ ଆକ୍ରମଣ ଘଟଣା: ଆଉ ୩ କୋର୍ଟ ଚାଲାଣ, ଗିରଫ ସଂଖ୍ୟା ୧୫ରେ ପହଞ୍ଚିଲା
ଆଜି ଏହି ଘଟଣାର ଆଉ ଜଣେ ଅଭିଯୁକ୍ତ ବାମଦେବପୁର ଗାଁର ଜରାଜକିଶ୍ୱର ମଲ୍ଲିକ ଦଳେଇକୁ ଗିରଫ କରିବାରେ ସଫଳ ହେଇଛି ପୋଲିସ । ଏହି ଘଟଣାରେ ମୋଟ ୧୬ ଜଣଙ୍କୁ ଗିରଫ କରି କୋର୍ଟଚାଲାଣ କରିଛି ପୋଲିସ ।
ଯାଜପୁରରୁ ଜ୍ଞାନରଞ୍ଜନ ଓଝା, ଇଟିଭି ଭାରତ
