ଯାଜପୁର : ଅବକାରୀ ଅଧିକ୍ଷକ ଦେବୀପ୍ରସାଦ ଦାସଙ୍କ ନିର୍ଦ୍ଦେଶରେ ଆଜି(ବୁଧବାର) ଡୋଲିପୁର ଅବକାରୀ ବିଭାଗ ପକ୍ଷରୁ ଯାଜପୁର ଜିଲ୍ଲାର ବିଭିନ୍ନ ସ୍ଥାନରେ ଚଢ଼ାଉ କରି ୯ ଜଣ ଚୋରା ମଦ ବେପାରୀଙ୍କୁ ଗିରଫ କରାଯାଇଛି । ସେମାନଙ୍କ ନିକଟରୁ ୧୩୫ ଲିଟର ଦେଶୀ ମଦ ଓ ମଦରନ୍ଧା ସରଞ୍ଜାମ ଜବତ କରାଯାଇଛି । ସେହିପରି ୫ ଶହ ଲିଟର ପୋଚକୁ ଅବକାରୀ ବିଭାଗ ପକ୍ଷରୁ ନଷ୍ଟ କରାଯାଇଛି।
ଯାଜପୁର ଅବକାରୀ ବିଭାଗ ଚଢ଼ାଉ, ବେଆଇନ ମଦ ଜବତ ଓ ୯ ଗିରଫ
ଗିରଫ ଅଭିଯୁକ୍ତ ହେଲେ ତୁଳତୀ ଗାଁର ନାରଣ ସିଂ, ନରୋତ୍ତମ ଜେନା, ଟୁକୁ ଦାସଙ୍କ ସମେତ ୯ ଜଣଙ୍କୁ ଗିରଫ କରାଯାଇ କୋର୍ଟ ଚାଲାଣ କରାଯାଇଛି । ଚଢ଼ାଉରେ ଅବକାରୀ ଉପ ନିରୀକ୍ଷକ ପ୍ରଶାନ୍ତ କୁମାର ମହାନ୍ତି, ଏଏସଆଇ ପ୍ରତ୍ୟୁଷ ପରିଡା ସମେତ ପୁରା ଟିମ ସାମିଲ ହୋଇଥିଲେ।
ଯାଜପୁରରୁ ଜ୍ଞାନ ରଂଜନ ଓଝା, ଇଟିଭି ଭାରତ
