ଯାଜପୁର: ବିଜେଡିକୁ 22 ପୂରି 23 ଚାଲିଲା । ଏହି ଅବସରରେ ସାରା ଓଡିଶାରେ ପ୍ରତିଷ୍ଠା ଦିବସ ପାଳନ କରୁଛି ଦଳ । ଯାଜପୁର ଜିଲ୍ଲାର 7ଟି ନିର୍ବାଚନ ମଣ୍ଡଳୀରେ ମଧ୍ୟ ବିଜେଡିର ପ୍ରତିଷ୍ଠା ଦିବସ ବଡ ଉତ୍ସାହ ସହ ପାଳିତ ହୋଇଛି ।
କେକ୍ କାଟି ପ୍ରତିଷ୍ଠା ଦିବସ ପାଳିଲେ ଯାଜପୁର ବିଜେଡି କର୍ମୀ
ଏହି ଅବସରରେ କୋରେଇ ବ୍ଲକ ମନସୁର ବାବା କିଲା ପଡ଼ିଆରେ ବ୍ଲକର ବହୁ ବିଜେଡି କର୍ମୀ କେକ୍ କାଟିଥିଲେ । ବ୍ଲକର ବିଜେଡି ସଭାପତି ଭକ୍ତବତ୍ସଳ ସ୍ବାଇଁ ସଭାପତିତ୍ବରେ ଅନୁଷ୍ଠିତ ଏହି ସଭାରେ କୋରେଇ ନିର୍ବାଚନ ମଣ୍ଡଳୀର ବିଧାୟକ ଅଶୋକ ବଳ ମୁଖ୍ୟ ଅତିଥି ଭାବେ ଯୋଗ ଦେଇଥିଲେ । ଏଥିରେ ନିର୍ବାଚନ ମଣ୍ଡଳୀର ବହୁ ବରିଷ୍ଠ ବିଜେଡି ନେତା ଏବଂ ମହିଳା ନେତୃବୃନ୍ଦ ସାମିଲ ହୋଇଥିଲେ ।
ଯାଜପୁରରୁ ଜ୍ଞାନରଞ୍ଜନ ଓଝା, ଇଟିଭି ଭାରତ
