ଯାଜପୁର: ଅଧିକ ଯୌତୁକ ଦାବିରେ ବୋହୁକୁ ମରଣାନ୍ତକ ଆକ୍ରମଣ । ଶାଶୁ ଶ୍ବଶୁର ଏବଂ ନଣଦଙ୍କ ବିରୋଧରେ ଏପରି ଅଭିଯୋଗ ଆଣିଛନ୍ତି ଯାଜପୁର ଥାନା ଇଟାଚଇତି ଗାଁର କ୍ଷିରୋଦ ଜେନାଙ୍କ ପତ୍ନୀ ସୁମିତ୍ରା ।
ଯୌତୁକ ଦାବିରେ ବୋହୁକୁ ମରଣାନ୍ତକ ଆକ୍ରମଣ
ସୂଚନାନୁଯାୟୀ, ଗାଁର କ୍ଷିରୋଦ ଜେନାଙ୍କ ପତ୍ନୀ ସୁମିତ୍ରାଙ୍କୁ ଅଧିକ ଯୌତୁକ ଦାବି କରି ଶାଶୁ, ଶ୍ବଶୁର ଏବଂ ନଣଦ ମାଡ ମାରି ଲହୁଲୁହାଣ କରିଥିବା ସେ ଥାନାରେ ଅଭିଯୋଗ କରିଛନ୍ତି । ତାଙ୍କୁ କଟୁରୀରେ ଆକ୍ରମଣ କରି ହତ୍ୟା କରିବାକୁ ଉଦ୍ୟମ କରିଥିଲେ କ୍ଷିରୋଦଙ୍କ ପରିବାର ଲୋକେ । ପରେ ତାଙ୍କୁ ଗୁରୁତର ଅବସ୍ଥାରେ ଯାଜପୁର ଡାକ୍ତରଖାନାରେ ଭର୍ତ୍ତି କରାଯାଇଥିବା ବେଳେ ତାଙ୍କ ଅବସ୍ଥା ସଂକଟାପନ୍ନ ରହିଛି ।
ଏହି ଘଟଣା ସମୟରେ ସୁମିତ୍ରାଙ୍କ ସ୍ବାମୀ କ୍ଷିରୋଦ ଘରେ ନଥିଲେ । ତେବେ ଏହା ବିଷୟରେ ସେ ଜାଣିବା ପରେ ଆକ୍ରମଣକାରୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଦାବି କରିଛନ୍ତି । ସେପଟେ ପୋଲିସ ମାମଲା ରୁଜୁ କରି ତଦନ୍ତ ଆରମ୍ଭ କରିଛି ।
ଯାଜପୁରରୁ ଜ୍ଞାନରଞ୍ଜନ ଓଝା, ଇଟିଭି ଭାରତ
