ଯାଜପୁର: ଯାଜପୁର ଜିଲାରେ ଦିନକୁ ଦିନ ଚୋରି, ଡକାୟତି ବୃଦ୍ଧି ପାଉଥିବାବେଳେ ଏଥିରେ ରୋକ ଲଗାଇବା ପାଇଁ ଜିଲା ପୋଲିସ ପକ୍ଷରୁ ବ୍ୟାପକ ପଦକ୍ଷେପ ନିଆ ଯାଉଛି । ବିଗତ ଦିନରେ ଜିଲ୍ଲାରେ ଘଟିଥିବା ବିଭିନ୍ନ ଡକାୟତି ଘଟଣାରେ ସମ୍ପୃକ୍ତି ଥିବା କିଛି ବ୍ୟକ୍ତିଙ୍କ ସମ୍ପର୍କରେ ଖବର ପାଇ ଆଜି ଚଢାଉ କରିଛି ପୋଲିସ । ସୁନା ଚୋରିରେ ସମ୍ପୃକ୍ତ ଥିବା ଅଭିଯୋଗରେ ସ୍ଥାନୀୟ ତେଲେଙ୍ଗା ବସ୍ଥିରେ ଚଢାଉ କରି ୪ ଜଣକୁ ଗିରଫ କରିଛି ପୋଲିସ । ସେମାନଙ୍କ ଠାରୁ ବିପୁଳ ପରିମାଣର ସୁନା ଜବତ କରିବା ସହ ଅଧିକ ପଚରାଉଚରା କରୁଛି ପୋଲିସ ।
ବିପୁଳ ସୁନା ଗହଣା ଜବତ, 4 ଗିରଫ
ଅପରାହ୍ନରେ ଯାଜପୁର ଏସ୍ ପି ଚରଣ ସିଂ ମୀନାଙ୍କ ନିର୍ଦ୍ଦେଶରେ ଏକ ସ୍ୱତନ୍ତ୍ର ଟିମ୍ କୋରେଇ ବ୍ଲକ ଅର୍ନ୍ତଗତ କନ୍ତୋର ପଞ୍ଚାୟତର ତେଲେଙ୍ଗା ସାହିରେ ଚଢାଉ କରିଛି । ଯାଜପୁର ରୋଡଏସ୍ଡିପିଓ ଚିନ୍ମୟ ନାୟକଙ୍କ ନେତୃତ୍ବରେ ୫ ଜଣିଆ ଅଫିସର ଦଳ ପାଖାପାଖି ଏକ ପ୍ଲାଟୁନ୍ ପୋଲିସ ଫୋର୍ସ ସହଯୋଗରେ ସହ ଅଧିକ ତଦନ୍ତ ଚଳାଇଛି ।
ଯାଜପୁରରୁ ଜ୍ଞାନ ରଞ୍ଜନ ଓଝା , ଇଟିଭି ଭାରତ
