ଯାଜପୁର: ଜିଲ୍ଲାରେ ଚାଞ୍ଚଲ୍ୟ । ପାଣିକୋଇଲି ଟୋଲ୍ଗେଟ୍ ସୋତି ନିକଟରୁ ଦୁଇ ଯୁବକଙ୍କ ମୃତଦେହ ଉଦ୍ଧାର । ଉଭୟଙ୍କୁ ହତ୍ୟା କରାଯାଇଥିବା ହେଉଛି ସନ୍ଦେହ । ମୃତ୍ୟୁର କାରଣ ଅସ୍ପଷ୍ଟ ରହିଥିବା ବେଳେ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଜାରି ରଖିଛି ।
ଦୁଇଟି ମୃତଦେହ ଉଦ୍ଧାର; ହତ୍ୟା ସନ୍ଦେହ
ସୂଚନା ମୁତାବକ, ଆଜି ସକାଳୁ ସ୍ଥାନୀୟ ଲୋକେ କୌଣସି କାର୍ଯ୍ୟରେ ମିର୍ଜାପୁର ଆଡେ ଆସୁଥିଲେ । ସେଠାରେ ଦୁଇଟି ମୃତଦେହ ଦେଖି ପାଣିକୋଇଲି ପୋଲିସକୁ ଖବର ଦେଇଥିଲେ । ତେବେ ପାଣିକୋଇଲି ପୋଲିସ ଘଟଣା ସ୍ଥଳରେ ପହଞ୍ଚିଥିଲା । ମୃତଦେହ କାହାର ? କେମିତି ଏଠି ପଡ଼ିଲା ଏନେଇ ତଦନ୍ତ କରୁଛି ପୋଲିସ । ସେପଟେ ମୃତଦେହ ପଡିଥିବା କିଛି ଦୂରରେ ବାଇକ ପଡିଥିବା ଦେଖିବାକୁ ମିଳିଛି । ତେବେ ଯୁବକ ଦୁଇ ଜଣଙ୍କର ପରିଚୟ ମିଳିପାରି ନଥିବା ବେଳେ ଆନୁମାନିକ ବୟସ ୪୦ ବର୍ଷରୁ ଊର୍ଦ୍ଧ୍ବ ହେବ ବୋଲି ଜଣାପଡୁଛି ।
ଯାଜପୁରରୁ ଜ୍ଞାନ ରଞ୍ଜନ ଓଝା,ଇଟିଭି ଭାରତ
