ଯାଜପୁର: ପାଣିକୋଇଲି ଥାନା ପୋଲିସ ହାତରେ ଧରାପଡ଼ିଲା ହତ୍ୟା ଅଭିଯୁକ୍ତ ବୋହୂ । ଯାଜପୁର ଜିଲ୍ଲା ପାଣିକୋଇଲି ଥାନା ରଣପାଳ ଗାଁରେ ଜଣେ ମହିଳାଙ୍କ ଟାଙ୍ଗିଆ ଚୋଟରେ ଜଣେ ବୃଦ୍ଧଙ୍କ ମୃତ୍ୟୁ ହୋଇଥିଲା । ଉଭୟ ସମ୍ପର୍କରେ ଶ୍ବଶୁର ଓ ବୋହୂ ବୋଲି ଜଣା ପଡ଼ିଥିଲା । ତେବେ ଘଟଣା ପରେ ହତ୍ୟାକାରୀ ବୋହୂ ରୂପା ହାତୀ ଫେରାର ରହିବା ସହ ପୋଲିସ ଚକମା ଦେଇ ଚାଲିଥିଲେ । ତାଙ୍କୁ ଢେଙ୍କାନାଳରୁ ଗତକାଲି(ଶନିବାର) ଗିରଫ କରିବାରେ ସଫଳ ହୋଇଥିଲା ପାଣିକୋଇଲି ପୋଲିସ।
ମହିଳାଙ୍କା ଜାମିନ ନାମଞ୍ଜୁର ହେବାକୁ ତାଙ୍କୁ ଜେଲକୁ ପଠାଇ ଦିଆଯାଇଛି । ଗତ ଅଗଷ୍ଟ ୧୭ ତାରିଖ ଦିନ ଯାଜପୁର ଜିଲ୍ଲା ପାଣିକୋଇଲି ଥାନା ରଣପାଳ ଗାଁରେ ଘଟିଥିଲା ଏହି ହତ୍ୟାକାଣ୍ଡ । ପାରିବାରିକ କଳହକୁ କେନ୍ଦ୍ରକରି ଶ୍ବଶୁର ଓ ବୋହୂଙ୍କ ମଧ୍ୟରେ ବିବାଦ ହୋଇଥିଲା । ଏହାପରେ କ୍ରୋଧାନ୍ବିତ ହୋଇ ଶ୍ବଶୁରଙ୍କୁ ଟାଙ୍ଗିଆରେ ହାଣି ହତ୍ୟା କରିଥିଲା ବୋହୂ । ହତ୍ୟା କରିବା ପରେ ଫେରାର ହୋଇଯାଇଥିଲେ ବୋହୂ ରୂପା ହାତୀ । ଏହି ଘଟଣାକୁ ନେଇ ମହିଳାଙ୍କ ସ୍ବାମୀ ପାଣିକୋଇଲି ଥାନାରେ ଏତଲା ଦେଇଥିଲେ । ଅଭିଯୋଗ ଆଧାରରେ ପୋଲିସ ତାର ତଦନ୍ତ ଆରମ୍ଭ କରିଥିଲା ।
ଏହା ବି ପଢନ୍ତୁ: ବାପଘରକୁ ଯିବାକୁ ଦେଲାନି ସ୍ବାମୀ, ଶଶୁରକୁ ହାଣିଦେଲା ବୋହୂ
୫ ଦିନ ଧରି ପୋଲିସ ଟିମ୍ର ଛାନ୍ଭିନ୍ ପରେ ଅଭିଯୁକ୍ତ ବୋହୂକୁୁ ଗିରଫ କରାଯାଇଛି । ଢେଙ୍କାନାଳରୁ ଗିରଫ କରିଛି ପାଣିକୋଇଲି ପୋଲିସ । ୩୦୨ ଦଫାରେ ମହିଳାଙ୍କୁ କୋର୍ଟ ହାଜର କରାଯାଇଛି । ଯାଜପୁର ରୋଡ ସ୍ବତନ୍ତ୍ର କୋର୍ଟରେ ଜାମିନ ନାକଚ ହେବାରୁ ଅଭିଯୁକ୍ତ ମହିଳାଙ୍କୁ ରଗଡ଼ି ଜେଲକୁ ପଠାଇ ଦିଆଯାଇଛି ।
ଯାଜପୁରରୁ ଜ୍ଞାନ ରଞ୍ଜନ ଓଝା, ଇଟିଭି ଭାରତ
