ଯାଜପୁର: ବିଂଝାରପୁର ଅଳକୁଣ୍ଠ ପଞ୍ଚାୟତର ମା ମଙ୍ଗଳା ଗ୍ରାମ୍ୟ ପରିଚାଳନା ପରିଷଦ ପକ୍ଷରୁ କୋରୋନା ଯୋଦ୍ଧାମାନଙ୍କୁ ସମ୍ବର୍ଦ୍ଧିତ କରାଯାଇଛି । ଏହି ସମ୍ବର୍ଦ୍ଧନା ସଭାରେ ବିଂଝାରପୁରର ବିଡିଓ ମିନତୀ ଜଗଦେବ ଓ ଥାନା ଅଧିକାରୀ ଶିବ ଚରଣ ବେହେରା ମୁଖ୍ୟ ଅତିଥି ଭାବେ ଯୋଗ ଦେଇଥିଲେ ।
କୋରୋନା ଯୋଦ୍ଧାଙ୍କୁ ସମ୍ବର୍ଦ୍ଧନା
ମହାମାରୀ କୋରୋନା ମୁକାବିଲାରେ ନିଜ ଜୀବନକୁ ବାଜି ଲଗାଇ ସାଧାରଣ ଲୋକଙ୍କ ପାଇଁ ଦିନରାତି କାର୍ଯ୍ୟ କରିଥିବା ଡାକ୍ତର, ସାମ୍ବାଦିକ, ପୋଲିସ ଏବଂ ସ୍ୱାସ୍ଥ୍ୟକର୍ମୀ ମାନଙ୍କୁ ସମ୍ବର୍ଦ୍ଧିତ କରାଯାଇଛି । ମା ମଙ୍ଗଳା ଗ୍ରାମ୍ୟ ପରିଚାଳନା ପରିଷଦର ସଭାପତି ବିଦ୍ୟାଧର ଦାସଙ୍କ ନେତୃତ୍ୱରେ ଏହି ସଭାରେ ଗଲୱାନ ଉପତ୍ୟକାରେ ସହିଦ ହୋଇଥିବା ଯବାନଙ୍କ ଉଦ୍ଦେଶ୍ୟରେ ଦୁଇ ମିନିଟ ନିରବ ପ୍ରାର୍ଥନା କରାଯାଇଥିଲା ।
ଯାଜପୁରରୁ ଜ୍ଞାନରଞ୍ଜନ ଓଝା, ଇଟିଭି ଭାରତ
