ଯାଜପୁର: ବିଶ୍ୱବ୍ୟାପୀ ତାଣ୍ଡବ ରଚିଥିବା ମହାମାରୀ କୋରୋନାର ମୁକାବିଲା ପାଇଁ ପ୍ରୟାସ ଜାରି ରହିଛି । ଏହି କ୍ରମରେ ଲୋକଙ୍କୁ ଏହି ଭୂତାଣୁ ସମ୍ପର୍କରେ ସଚେତନ କରାଇବାକୁ ଆଗେଇ ଆସିଛି ବରୀ ପୋଲିସ ।
ପଦଯାତ୍ରା କରି କୋରୋନା ସଚେତନ କରାଇଲା ବରୀ ପୋଲିସ
ବରୀ ରାମଚନ୍ଦ୍ରପୁର ଥାନା ଅଧିକାରୀ ମାର୍କଣ୍ଡ ମିଶ୍ରଙ୍କ ନେତୃତ୍ୱରେ ଏକ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ବରୀ ପୋଲିସ ପଦଯାତ୍ରା କରି ହାତରେ ଫ୍ଲା କାର୍ଡ ଧରି ଲୋକମାନଙ୍କୁ ସାମାଜିକ ଦୂରତା ମାନିବା, ମାସ୍କ ପିନ୍ଧିବା ଏବଂ ହାତକୁ ଧୋଇବା ଦ୍ବାରା କୋରୋନା ମହାମାରୀକୁ ଦୂରେଇ ପାରିବା ବୋଲି ସଚେତନ କରିଥିଲେ ।
ତେବେ ବରୀ ପୋଲିର ଏହି ସଚେତନତା ପଦଯାତ୍ରା ବରୀ ପେଟ୍ରୋଲ ପମ୍ପଠାରୁ ବାହାରି ମାଉଣ୍ଟ ବଜାରରେ ପହଞ୍ଚିଥିଲା । ସେପଟେ କୋରୋନା ନେଇ ପୋଲିସର ଏଭଳି ସଚେତନତା କାର୍ଯ୍ୟକ୍ରମକୁ ଜନସାଧାରଣ ପ୍ରଶଂସା କରାଯାଇଛି ।
ଯାଜପୁରରୁ ଜ୍ଞାନରଞ୍ଜନ ଓଝା, ଇଟିଭି ଭାରତ
