ଯାଜପୁର: ଗତ ସାଧାରଣ ନିର୍ବାଚନରେ ପୋଲିଂ ଅଫିସର ଡ୍ୟୁଟିରେ ଥିବା ବେଳେ ତାଙ୍କର ମୃତ୍ୟୁ ଘଟିଥିଲା । ଏଥିପାଇଁ ନିର୍ବାଚନ କମିଶନ ମୃତ ଅଧିକାରୀଙ୍କ ପରିବାରକୁ ୧୫ ଲକ୍ଷ ଟଙ୍କାର କ୍ଷତିପୂରଣ ପ୍ରଦାନ କରିଛନ୍ତି । ଗତ ସାଧାରଣ ନିର୍ବାଚନରେ ପ୍ରକାଶ ଖଟୋଇ ଯାଜପୁର ସୁକିନ୍ଦା ନିର୍ବାଚନ ମଣ୍ଡଳୀରେ ପୋଲିଂ ଅଫିସର ଡ୍ୟୁଟି କରୁଥିବା ସମୟରେ ହଠାତ୍ ତାଙ୍କର ମୃତ୍ୟୁ ଘଟିଥିଲା ।
ମୃତ ପୋଲିଂ ଅପିଂସରଙ୍କ ପରିବାରକୁ ୧୫ ଲକ୍ଷ ଟଙ୍କା କ୍ଷତିପୁରଣ ପ୍ରଦାନ
ଏହାର କ୍ଷତିପୂରଣ ପାଇଁ ନିର୍ବାଚନ କମିଶନଙ୍କ ପକ୍ଷରୁ ୧୫ ଲକ୍ଷ ଟଙ୍କା ମଞ୍ଜୁର କରିଥିଲେ । ଶୁକ୍ରବାର ଯାଜପୁରର ଭାରପ୍ରାପ୍ତ ଜିଲାପାଳ ମିହିର ପ୍ରସାଦ ମହାନ୍ତି ପ୍ରକାଶଙ୍କ ସିଂହପୁର ସ୍ଥିତ ବାସଭବନରେ ପହଁଚି ପରିବାର ଲୋକଙ୍କୁ ଚେକ୍ ପ୍ରଦାନ କରିଥିଲେ ।
ଯାଜପୁରରୁ ଜ୍ଞାନରଞ୍ଜନ ଓଝା, ଇଟିଭି ଭାରତ
