ଯାଜପୁର: ଜିଲ୍ଲା ମୁଖ୍ୟ ଡାକ୍ତରଖାନାରେ ଘଟିଛି ଅଘଟଣ । ତ୍ରୁଟିପୂର୍ଣ୍ଣ ଚିକିତ୍ସାରୁ ନାବାଳିକାର ମୃତ୍ୟୁ ହୋଇଥିବା ନେଇ ହୋଇଛି ଅଭିଯୋଗ । ମୃତ ନାବାଳିକା ହେଲେ ହରିପୁର ଗାଁର ନୀଳମଣି ବରାଳଙ୍କ ଝିଅ ପୂଜାରାଣୀ ବରାଳ।
ବାତରୋଗରେ ପିଡ଼ୀତ ଥିବା ପୂଜାରାଣୀ ଆଜି ଜିଲ୍ଲା ମୁଖ୍ୟ ଚିକିତ୍ସାଳୟକୁ ଚିକିତ୍ସା ପାଇଁ ଯାଇଥିଲେ । ଡ଼ାକ୍ତର ତାଙ୍କୁ ହସପିଟାଲରେ ଇଞ୍ଜେକ୍ସନ ଦେଇଥିଲେ । ପରେ ତାଙ୍କର ମୃତ୍ୟୁ ଘଟିଥିଲା । ଇଞ୍ଜେକ୍ସନର ପରିମାଣ ମାତ୍ରାଧିକ ହେବାରୁ ତାଙ୍କର ମୃତ୍ୟୁ ଘଟିଥିବା ନେଇ ଅଭିଯୋଗ କରିଛନ୍ତି ପରିବାର ଲୋକେ ।
ନାବାଳିକାର ମୃତ୍ୟୁ ପରେ ଡାକ୍ତର ଶବ ବ୍ୟବଚ୍ଛେଦ ନକରି ଜୋର ଜବରଦସ୍ତ ଘରକୁ ପଠାଇ ଦେଇଥିଲେ। ଫଳରେ ଗ୍ରାମବାସୀ ଉତକ୍ଷିପ୍ତ ହୋଇ ମୃତଦେହକୁ ପୁନର୍ବାର ଡାକ୍ତରଖାନା ଆଣିବା ସହ ଏହାର ତଦନ୍ତ କରି ଦୋଷୀଙ୍କ ଵିରୋଧ ରେ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ନେଇ ଦାବି କରିଥିଲେ । ଅନ୍ୟପଟେ ଏହି ଅଭିଯୋଗକୁ ସମ୍ପୂର୍ଣ୍ଣ ଖଣ୍ଡନ କରିଛନ୍ତି ଡାକ୍ତରଖାନା କର୍ତ୍ତୃପକ୍ଷ। ପୋଲିସ ଅଭିଯୋଗ ପାଇବା ପରେ ତଦନ୍ତ ତଦନ୍ତ ଆରମ୍ଭ କରିଛି । ଶବ ବ୍ୟବଚ୍ଛେଦ ରିପୋର୍ଟ ଆସିବା ପରେ ଆଇନ ଅନୁଯାୟୀ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି କହିଛି ପୋଲିସ।
ଯାଜପୁରରୁ ଜ୍ଞାନ ରଞ୍ଜନ ଓଝା, ଇଟିଭି ଭାରତ
