ଯାଜପୁର: ଅଜଣା ଗାଡି ଧକ୍କାରେ ଭାଇ ଭଉଣୀଙ୍କ ମୃତ୍ୟୁ । ଯାଜପୁର ଧର୍ମଶାଳା ଥାନା ଦୁର୍ଗାପୁର ନିକଟ ଜାତୀୟ ରାଜପଥରେ ଅଜଣା ଗାଡି ଧକ୍କାରେ ଭାଇ ଭଉଣୀଙ୍କ ମୃତ୍ୟୁ ଘଟିଛି । ମୃତ ଭାଇ ଭଉଣୀ ହେଲେ କୁଆଖିଆ ଥାନା ମସୁରପୁର ଗାଁର ଆଦିତ୍ୟ ମହାନ୍ତି ଓ ସସ୍ମିତା ମହାନ୍ତି।
ଭିଡିଓ ସୌଜନ୍ୟ:ସମ୍ବାଦଦାତା, ଯାଜପୁର
ସୂଚନା ଅନୁଯାୟୀ, ଆଦିତ୍ୟ ଏବଂ ସସ୍ମିତା ଏକ ମୋଟର ସାଇକେଲରେ ଧର୍ମଶାଳା ସବରେଜିଷ୍ଟର ଅଫିସକୁ କାମରେ ଆସି ଫେରୁଥିବା ବେଳେ ଏକ ଅଜଣା ଗାଡି ସେମାନଙ୍କୁ ଧକ୍କା ଦେଇଥିଲା । ଫଳରେ ଘଟଣାସ୍ଥଳରେ ଉଭୟଙ୍କ ମୃତ୍ୟୁ ଘଟିଛି। ଖବରପାଇ ଧର୍ମଶାଳା ପୋଲିସ ଘଟଣା ସ୍ଥଳରେ ପହଞ୍ଚି ମୃତଦେହକୁ ଉଦ୍ଧାର କରିବା ସହ ତଦନ୍ତ ଆରମ୍ଭ କରିଛନ୍ତି ।
ଯାଜପୁରରୁ ଜ୍ଞାନରଞ୍ଜନ ଓଝା, ଇଟିଭି ଭାରତ
