ଭୋଟ ଦେଲେ ପ୍ରୀତି ରଞ୍ଜନ

ଯାଜପୁର ଦାନଗଦିର ବୁଦ୍ଧରାଜ ହାଇସ୍କୁଲର 206 ନମ୍ବର ବୁଥରେ ମତ ସାବ୍ୟସ୍ତ କରିଛନ୍ତି ସୁକିନ୍ଦାର ବିଜେଡି ପ୍ରାର୍ଥୀ ପ୍ରୀତି ରଞ୍ଜନ ଘଡାଇ ।

ଯାଜପୁର: ବିଜେଡିର ବରିଷ୍ଠ ନେତା ତଥା ପୂର୍ବତନ ଅର୍ଥମନ୍ତ୍ରୀ ପ୍ରଫୁଲ୍ଲ ଚନ୍ଦ୍ର ଘଡାଇଙ୍କ ପୁଅ ପ୍ରୀତି ରଞ୍ଜନ ମଧ୍ୟ ନିଜ ମତାଧିକାର ସାବ୍ୟସ୍ତ କରିଛନ୍ତି । ସେ ଯାଜପୁରର ଦାନଗଦିର ବୁଦ୍ଧରାଜ ହାଇସ୍କୁଲର 206 ନମ୍ବର ବୁଥରେ ମତ ସାବ୍ୟସ୍ତ କରିଛନ୍ତି ।

ଚଳିତ ନିର୍ବାଚନରେ ସୁକିନ୍ଦାର ବିଜେଡି ପ୍ରାର୍ଥୀ ଭାବେ ଟିକେଟ ପାଇ ରାଜନୀତି ମୈଦାନକୁ ଓହ୍ଲାଇଛନ୍ତି ପ୍ରୀତି ରଞ୍ଜନ ଘଡାଇ । ରାଜ୍ୟର 6 ଲୋକସଭା ଓ 41 ବିଧାନସଭା ଆସନ ପାଇଁ ମତଦାନ ଚାଲିଥିବାବେଳେ ମେ 23ରେ ନେତାଙ୍କ ଭାଗ୍ୟ ପରୀକ୍ଷାର ଫଳାଫଳ ଆସିବ ।

ଯାଜପୁରରୁ ଜ୍ଞାନରଞ୍ଜନ ଓଝା, ଇଟିଭି ଭାରତ