ଯାଜପୁର: ପୋଲିସକୁ ଧାବିକା ଦୂତୀଙ୍କ ନାଲିଆଖି । ଖୋଲାଖୋଲି କୋଭିଡ ଗାଇଡଲାଇନ ଉଲ୍ଲଙ୍ଘନ କରି ଭସାଣୀ କାର୍ଯ୍ୟକ୍ରମରେ ସାମିଲ ଥିଲେ ଦୂତୀ ଚାନ୍ଦ । ପୋଲିସ ପହଞ୍ଚି ତାଗିଦ୍ କରି ଭସାଣୀ ବନ୍ଦ କରିବାରୁ ଓଲଟା ପୋଲିସକୁ ନାଲି ଆଖି ଦେଖାଇବା ସହ ଧମକ ଦେଲେ ଦୌଡରାଣୀ । ଯାହାର ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।
ଖୋଲାଖୋଲି ଚାଲିଥିଲା କୋଭିଡ କଟକଣା ଉଲ୍ଲଙ୍ଘନ, ପୋଲିସର ତାଗିଦରେ ନାଲିଆଖି ଦେଖାଇଲେ ଦୂତୀ
ସୂଚନାଯୋଗ୍ୟ, ଯାଜପୁର କୁଆଖିଆ ଥାନା ଅନ୍ତର୍ଗତ ଗୋପାଳପୁର ଗ୍ରାମରେ ପୋଲିସର ବିନା ଅନୁମିତର କଟକଣାକୁ ଫୁ କରି ଭସାଣୀ ଚାଲୁଥିଲା । ଆଧୁନିକ ଗୀତର ତାଳେ ତାଳେ ଜମୁଥିଲା ନାଚ । ଖବର ପାଇ କୁଆଖିଆ ପୋଲିସ ସେଠାରେ ପହଞ୍ଚିଥିଲା ଏବଂ ଭସାଣୀ ପ୍ରୋସେସନ ବନ୍ଦ କରଥିଲା । ଏଥିରେ ଉତକ୍ଷିପ୍ତ ହୋଇ ଦୂତୀ ଚାନ୍ଦ ପୋଲିସକୁ ଧମକ ଦେଇଥିଲେ । ଏହାର ଭିଡିଓ ସୋସିଆଲ ମିଡିଆରେ ଭାଇରାଲ ପରେ ପୋଲିସର ପ୍ରତିକ୍ରିୟା ନେବାକୁ ଚେଷ୍ଟା କରିଥିଲେ ହେଁ ପୋଲିସ କ୍ୟାମେରା ସମ୍ମୁଖରେ କୌଣସି ପ୍ରତିକ୍ରିୟା ଦେବାକୁ ମନା କରିଛନ୍ତି ।
ଯାଜପୁରରୁ ଜ୍ଞାନ ରଞ୍ଜନ ଓଝା, ଇଟିଭି ଭାରତ
