ହାଇଦ୍ରାବାଦ: ପାଦ ଥାପିଛି ନବବର୍ଷ 2025 । ସାରା ଦେଶାବାସୀ ଉତ୍ସାହର ସହ ନୂଆବର୍ଷକୁ ସେଲିବ୍ରେଟ କରିଛନ୍ତି । ଏପରି ସମୟରେ ସିନେପ୍ରେମୀଙ୍କ ପାଇଁ ମଧ୍ୟ ଖୁସି ଖବର ରହିଛି । ଚଳିତ ଜାନୁଆରୀ ମାସରେ ରିଲିଜ ହେବାକୁ ଯାଉଛି ଅନେକ ବିଗ ବଜେଟ୍ ବଲିଉଡ ଏବଂ ସାଉଥ ଫିଲ୍ମ । ଅଧିକାଂଶ ପ୍ରତୀକ୍ଷିତ ଚଳଚ୍ଚିତ୍ର ଜାନୁୟାରୀ 2025 ରେ ରିଲିଜ୍ ହେବାକୁ ପ୍ରସ୍ତୁତ ଯାହା ଆପଣଙ୍କ ବର୍ଷର ଆରମ୍ଭକୁ ଖୁସି କରିପାରେ । ତେବେ ରିଲିଜ୍ ହେବାକୁ ଥିବା ସମ୍ପୂର୍ଣ୍ଣ ଚଳଚ୍ଚିତ୍ରର ତାଲିକା ଉପରେ ନଜର ପକାନ୍ତୁ...
ଫତେହ
ସୋନୁ ସୁଦଙ୍କ ନିର୍ଦ୍ଦେଶିତ ଡେବ୍ୟୁ 'ଫତେହ' 10 ଜାନୁୟାରୀ 2025 ରେ ବଡ ପରଦାରେ ଆସୁଛି । ଏହି ଷ୍ଟାଇଲିସ୍ ଆକ୍ସନ୍-ଥ୍ରୀଲରରେ ସୋନୁ ସୁଦ ମୁଖ୍ୟ ଭୂମିକାରେ ଥିବାବେଳେ ଜ୍ୟାକଲିନ୍ ଫର୍ଣ୍ଣାଣ୍ଡିଜ୍, ନାସିରୁଦ୍ଦିନ ଶାହା ଏବଂ ବିଜୟ ରାଜଙ୍କ ଭଳି ଅଭିନେତାମାନେ ମୁଖ୍ୟ ଭୂମିକାରେ ଅଛନ୍ତି। ଟିଜର ଟ୍ରେଲର ଏବଂ ଗୀତଗୁଡ଼ିକ ଦର୍ଶକଙ୍କ ସକରାତ୍ମକ ପ୍ରତିକ୍ରିୟା ଗ୍ରହଣ କରିଛି । ଟ୍ରେଡ ଆନାଲିଷ୍ଟଙ୍କ ଅନୁଯାୟୀ ଏହି ଫିଲ୍ମ ବକ୍ସ ଅଫିସରେ 2-3 କୋଟି ଟଙ୍କା ସହ ଭଲ ଆରମ୍ଭ କରିପାରେ ।
ଗେମ ଚେଞ୍ଜର
ଏସ. ଶଙ୍କରଙ୍କ ନିର୍ଦ୍ଦେଶିତ ଏହି ରାଜନୈତିକ ଥ୍ରୀଲର ହେଉଛି ତାଙ୍କର ତେଲୁଗୁ ନିର୍ଦ୍ଦେଶକ ଡେବ୍ୟୁ । ମକର ସଂକ୍ରାନ୍ତି ଅବସରରେ ଜାନୁଆରୀ 10ରେ ଫିଲ୍ମ ରିଲିଜ ହେବ ଫିଲ୍ମ । ଏଥିରେ ରାମ ଚରଣଙ୍କ ବ୍ୟତୀତ କିଆରା ଆଡଭାନୀ, ଅଞ୍ଜଲି, ଏସ.ଜେ ସୂର୍ଯ୍ୟ, ଶ୍ରୀକାନ୍ତ, ଜୟରାମ, ସୁନୀଲ ଏବଂ ନାସରଙ୍କୁ ପ୍ରମୁଖ କଳାକାର ପ୍ରମୁଖ ଭୂମିକାରେ ଦେଖିବାକୁ ମିଳିବ । ଏହି ଚଳଚ୍ଚିତ୍ରରେ ରାମ ଚରଣ ୩ଟି ଭୂମିକାରେ ନଜର ଆସିବେ ବୋଲି କୁହାଯାଉଛି ।
ଏମରଜେନ୍ସି
ଅନେକ ବାଦ ବିବାଦ ପରେ ଶେଷରେ ଚଳିତ ମାସ ରିଲିଜ ହେବାକୁ ଯାଉଛି କଙ୍ଗନା ରାଣାୱତଙ୍କ ଅଭିନୀତ ଫିଲ୍ମ 'ଏମରଜେନ୍ସି' । ଅନେକ ଥର ରିଲିଜରେ ରୋକ ଲାଗିବା ପରେ 'ଏରଜେନ୍ସି' ବର୍ତ୍ତମାନ 2025ରେ ମୁକ୍ତିଲାଭ କରିବାକୁ ଯାଉଛି । 'ଏମରଜେନ୍ସି' 17 ଜାନୁୟାରୀ 2025 ରିଲିଜ ହେବ । ଏହି ଫିଲ୍ମରେ କଙ୍ଗନା ଅଭିନୟ କରିବା ସହ ନିର୍ଦ୍ଦେଶନା ମଧ୍ୟ ଦେଇଛନ୍ତି । ଏହି ଚଳଚ୍ଚିତ୍ରରେ କଙ୍ଗନା ରାଣାୱତ ଭାରତର ପ୍ରଥମ ମହିଳା ପ୍ରଧାନମନ୍ତ୍ରୀ ଶ୍ରୀମତୀ ଇନ୍ଦିରା ଗାନ୍ଧୀଙ୍କ ଭୂମିକାରେ ଅଭିନୟ କରିବାକୁ ଯାଉଛନ୍ତି । ଏହି ଚଳଚ୍ଚିତ୍ରରେ ଅନୁପମ ଖେର, ଶ୍ରେୟସ ତାଲପଡେ, ସତୀଶ କୌଶିକ, ମିଲିନ୍ଦ ସୋମନ ଏବଂ ମହିମା ଚୌଧୁରୀଙ୍କ ସହ ଅନେକ ତାରକା ନଜର ଆସିବେ ।
ଆଜାଦ
ଚଳିତ ବର୍ଷ ଅଜୟ ଦେବଗନଙ୍କ ଭଣଜା ଅମନ ଦେବଗନ ଏବଂ ରବୀନୀ ଟଣ୍ଡନଙ୍କ ଝିଅ ରାଶା ଥଡାନୀ ବଲିଉଡରେ ଡେବ୍ୟୁ କରିବାକୁ ଯାଉଛନ୍ତି । ଉଭୟ ଫିଲ୍ମ 'ଆଜାଦ' ସହ ପରଦାରେ ଧମାକା କରିବାକୁ ପ୍ରସ୍ତୁତ । ଫିଲ୍ମ ଜାନୁଆରୀ 2025 ରେ ରିଲିଜ ହେବ । ତେବେ ପ୍ରଥମ ଥର ପାଇଁ ଏହି ଡେବ୍ୟୁ ଫିଲ୍ମରେ ଅମନ ଏବଂ ରାଶାଙ୍କ ଅନସ୍କ୍ରିନ ରୋମାନ୍ସ କରୁଥିବା ଦେଖିବାକୁ ମିଳିବ ।
ସ୍କାଏ ଫୋର୍ସ
ଅକ୍ଷୟ କୁମାର ଏବଂ ଭୀର ପହରିଆଙ୍କ ଅଭିନୀତ ଏରିଆଲ୍ ଆକ୍ସନ୍ ଡ୍ରାମା 'ସ୍କାଏ ଫୋର୍ସ' ରିପବ୍ଲିକ୍ ଡେ ୱିକେଣ୍ଡ୍ 2025 ରେ ପରଦାରେ ଆସିବାକୁ ଯାଉଛି । ସନ୍ଦୀପ କେୱଲାନି ଏବଂ ଅଭିଷେକ ଅନିଲ କପୁରଙ୍କ ନିର୍ଦ୍ଦେଶିତ ସ୍କାଏ ଫୋର୍ସ ଜାନୁୟାରୀ 2025 ର ସବୁଠାରୁ ବଡ ମୁକ୍ତିଲାଭ କରିବାକୁ ଯାଉଛି । ସ୍କାଏ ଫୋର୍ସର ଟ୍ରେଲର ଜାନୁଆରୀ 26ରେ ରିଲିଜ ହେବ। ଦର୍ଶକ ଆଶା କରୁଛନ୍ତି ଯେ ଅକ୍ଷୟ କୁମାର ଏହି ଚଳଚ୍ଚିତ୍ର ସହିତ ଭଲ ପ୍ରତ୍ୟାବର୍ତ୍ତନ କରିବେ ।
ଏହା ମଧ୍ୟ ପଢନ୍ତୁ: ନୂଆବର୍ଷରେ ଆସୁଛି ଏସବୁ ଓଡ଼ିଆ ଫିଲ୍ମ, ଧମାକା କରିବେ ବର୍ଷା ପ୍ରୟଦର୍ଶିନୀ-ସୂର୍ଯ୍ୟମୟୀ
ଦେବା
ସାହିଦ କପୁର ଏବଂ ପୂଜା ହେଗଡେ ଅଭିନୀତ 'ଦେବା' 31 ଜାନୁୟାରୀ 2025 ରେ ପରଦାରେ ଆସିବାର କାର୍ଯ୍ୟକ୍ରମ ରହିଛି । ରୋଶନ୍ ଆଣ୍ଡ୍ରିୟୁଙ୍କ ନିର୍ଦ୍ଦେଶିତ ନିଓ-ନୋଇର୍ ଫିଲ୍ମ ଭଲ କାମ କରିବ ବୋଲି ଆଶା କରାଯାଏ ।
ବ୍ୟୁରୋ ରିପୋର୍ଟ, ଇଟିଭି ଭାରତ
