ଯାଜପୁର: ବାଇକ ଚୋରି ଅଭିଯୋଗରେ ଦୁଇଜଣଙ୍କୁ ଗିରଫ କଲା ଯାଜପୁର ରୋଡ ପୋଲିସ । ଜିଲ୍ଲାର ସୁକିନ୍ଦା ଓ ଜେନାପୁର ଅଞ୍ଚଳରୁ ଅଭିଯୁକ୍ତଙ୍କୁ ପୋଲିସ ଗିରଫ କରିଛି । ସେମାନଙ୍କଠାରୁ 15 ବାଇକ ଜବତ ହେଇଥିବା ଥାନା ଅଧିକାରୀ ଉପେନ୍ଦ୍ର କୁମାର ପ୍ରଧାନ ସୂଚନା ଦେଇଛନ୍ତି ।
ସୂଚନା ମୁତାବକ, ଗତ କିଛିଦିନ ତଳେ ଯାଜପୁର ରୋଡ ଥାନା ଅନ୍ତର୍ଗତ ଗୋପବନ୍ଧୁ ଛକ ଓ ଗଣେଶ ବଜାର ଛକରୁ ଦୁଇଟି ବାଇକ ଚୋରି ହେଇଥିବା ନେଇ ଥାନାରେ ଅଭିଯୋଗ ହେଇଥିଲା l ଅଭିଯୋଗକୁ ଆଧାର କରି ଯାଜପୁର ରୋଡ ପୋଲିସ କେସ ନମ୍ବର 422/22ରେ ମାମଲା ରୁଜୁ କରି ଘଟଣାର ତଦନ୍ତ କରୁଥିଲା l ତେବେ ସିସିଟିଭି ଫୁଟେଜ ଯାଞ୍ଚପରେ ପୋଲିସ ଜେନାପୁର ଥାନା ଅଞ୍ଚଳର ସୁଶାନ୍ତ ପ୍ରଧାନ ଓ ସୁକିନ୍ଦା ଥାନା ଅଞ୍ଚଳର ପ୍ରକାଶ ଭୂୟାଁଙ୍କୁ ଗିରଫ କରିବାରେ ସଫଳ ହୋଇଛି l ଦୁଇଜଣଙ୍କୁ ଥାନାରେ ଅଟକ ରଖି ପଚରାଉଚରା କରିବା ପରେ ସୁକିନ୍ଦା, ନିହାଲପ୍ରସାଦ ଆଦି ବିଭିନ୍ନ ଅଞ୍ଚଳରୁ 15ଟି ବାଇକ ଚୋରି କରିଥିବା ସୂଚନା ଦେଇଥିଲେ । ଅଭିଯୁକ୍ତଙ୍କ କୋଭିଡ ଟେଷ୍ଟ ପରେ କୋର୍ଟ ଚାଲାଣ କରାଯାଇଥିବା ପୋଲିସ କହିଛି ।
ଇଟିଭି ଭାରତ, ଯାଜପୁର
