ଯାଜପୁର: ଡାକ୍ତରଖାନା ଭିତରେ ଥାନା ଡ୍ରାଇଭର ଓ ଥାନା ଅଧିକାରୀଙ୍କ ମଧ୍ୟରେରେ ଧସ୍ତାଧସ୍ତି ଓ ଆକ୍ରମଣ ଅଭିଯୋଗ। ଗଣ୍ଡଗୋଳରେ ଥାନା ଅଧିକାରୀ ଆହତ ହୋଇଛନ୍ତି ।
ଘଟଣା ଘଟିଛି ଯାଜପୁର ଜିଲ୍ଲା ସୁକିନ୍ଦା ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ର ପରିସରରେ । ସୂଚନା ମୁତାବକ ଥାନା ଡ୍ରାଇଭର ସୁକୁମାର ସ୍ବାଇଁ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଚିକିତ୍ସିତ ହେଉଥିବା ବେଳେ ସୁକିନ୍ଦା ଥାନା ଅଧିକାରୀ ଶିବ ଚରଣ ବେହେରା ଡାକ୍ତରଖାନାରେ ପହଞ୍ଚି ତାଙ୍କୁ ଓ ପରିବାର ଲୋକଙ୍କୁ ଗାଳି ଗୁଳଜ କରିଥିଲେ। ମିଛରେ ଡାକ୍ତରଖାନାରେ ଅଛୁ ବୋଲି ଅଭିଯୋଗ କରିଥିଲେ। ଏହାକୁ ଥାନା ଅଧିକାରୀଙ୍କ ସମ୍ପର୍କୀୟ ମାନେ ପ୍ରତିବାଦ କରିବାରୁ ସେମାନଙ୍କୁ ମଧ୍ୟ ଗାଳି ଗୁଲଜ କରିଥିବା ଅଭିଯୋଗ ହୋଇଛି।
ଏହାକୁ ନେଇ ଡ୍ରାଇଭର ସୁକୁମାର ଓ ସମ୍ପର୍କୀୟଙ୍କ ସହିତ ଥାନା ଅଧିକାରୀଙ୍କ ମଧ୍ୟରେ ଧସ୍ତାଧସ୍ତି ହୋଇଥିଲା। ଏଥିରେ ଉଭୟ ଥାନା ଅଧିକାରୀ ଓ ଡ୍ରାଇଭର ଆହତ ହୋଇଛନ୍ତି। ଘଟଣା ସମ୍ପର୍କରେ ଖବର ପାଇ କଳିଙ୍ଗ ନଗର ଅତିରିକ୍ତ ଏସପି ଘଟଣା ସ୍ଥଳରେ ପହଞ୍ଚି ତଦନ୍ତ କରିଛନ୍ତି। ଡ୍ରାଇଭରଙ୍କ ସମ୍ପର୍କୀୟଙ୍କୁ ଥାନାରେ ମଧ୍ୟ ଅଟକ ରଖାଯାଇଛି।
ଯାଜପୁରରୁ ଜ୍ଞାନ ରଞ୍ଜନ ଓଝା, ଇଟିଭି ଭାରତ
