ଯାଜପୁର: ବୃଦ୍ଧ ଦମ୍ପତିଙ୍କ ଆତ୍ମହତ୍ୟା ଅଭିଯୋଗ । ଯାଜପୁର ଟାଉନର ମଙ୍ଗଳପୁର ଥାନା କୋତପୁର ଗାଁରେ ଏହି ଅଭାବନୀୟ ଘଟଣା ଘଟିଛି । ପାରିବାରିକ କଳହକୁ ନେଇ ଦମ୍ପତି ଆତ୍ମହତ୍ୟା କରିଥିବା କୁହାଯାଉଛି । ବିଷ ପିଇ ଆତ୍ମହତ୍ୟା କରିଥିବା ଲୋକେ ସନ୍ଦେହ କରିଛନ୍ତି ।
ଭିଡିଓ ସୌଜନ୍ୟ: ସମ୍ବାଦଦାତା, ଯାଜପୁର
ମୃତ ଦମ୍ପତି ହେଲେ ଘନଶ୍ୟାମ ଖଟୁଆ ଏବଂ ତାରାମଣି ଖଟୁଆ । ପୋଲିସ ଏନେଇ ଖବର ଦେବା ପରେ ଘଟଣାସ୍ଥଳରେ ପହଞ୍ଚି ଦମ୍ପତିଙ୍କ ମୃତଦେହ ଉଦ୍ଧାର କରିଛି । ଦମ୍ପତିଙ୍କ ମୃତ୍ୟୁ ପରେ ତାଙ୍କ ପାଖରେ କେହି ଆଉ ନଥିବାରୁ ତାଙ୍କ ପରିବାରଲୋକଙ୍କ ସମ୍ପର୍କରେ ପୋଲିସ ଲୋକଙ୍କୁ ପଚରା ଉଚରା ଆରମ୍ଭ କରିଛି । ତେବେ ହତ୍ୟା ନା ଆତ୍ମହତ୍ୟା ପୋଲିସ ତଦନ୍ତ କରିବା ପରେ ଜଣାପଡିବ ବୋଲି କୁହାଯାଉଛି ।
ଯାଜପୁରରୁ ଜ୍ଞାନରଞ୍ଜନ ଓଝା,ଇଟିଭି ଭାରତ
