ଯାଜପୁର: ଯାଜପୁର ରୋଡ ଥାନାର 5 କୋରୋନା ଯୋଦ୍ଧା ସଂକ୍ରମିତ । ପୂର୍ବରୁ ଦୁଇ ଜଣ ଚିହ୍ନଟ ହୋଇଥିବାବେଳେ ଆଉ 3 ଯୋଦ୍ଧା କୋରୋନା ଆକ୍ରାନ୍ତ ହୋଇଛନ୍ତି । ରୋଡରେ ଚାଲିଥିବା ଆଣ୍ଟିଜେନ ଟେଷ୍ଟରୁ ଏମାନେ କୋରୋନା ଆକ୍ରାନ୍ତ ହୋଇଥିବା ଜଣାପଡିଛନ୍ତି ।
ଯାଜପୁରରେ 5 କୋରୋନା ଯୋଦ୍ଧା ସଂକ୍ରମିତ
64 ଜଣଙ୍କର ନମୂନା ପରୀକ୍ଷା କରାଯାଇଥିବାବେଳେ ସେଥିମଧ୍ୟରୁ 9 ଜଣ ପଜେଟିଭ୍ ଆସିଛନ୍ତି । ଯେଉଁଥିରେ 3 ଜଣ ଥାନା କର୍ମଚାରୀ ରହିଛନ୍ତି । ସେହିପରି ଗତକାଲି ମଧ୍ୟ 93 ନମୂନା ପରୀକ୍ଷା କରାଯାଇଥିବାବେଳେ ସେଥିମଧ୍ୟରୁ 2 ଜଣ ଥାନା କର୍ମଚାରୀ ପଜେଟିଭ୍ ବାହାରିଥିଲେ ।
ବିଶେଷ କରି ଥାନାର 4ଜଣ ଅଫିସରଙ୍କ ସମେତ ଜଣେ ଅବସରପ୍ରାପ୍ତ କର୍ମଚାରୀ ସଂକ୍ରମିତ ହୋଇଥିବାରୁ ଥାନାର ଚିନ୍ତା ବଢିଯାଇଛି। ଏଥିମଧ୍ୟରୁ ପଜେଟିଭ୍ 3 ଜଣଙ୍କୁ ଟାଟା କୋଭିଡ ହସ୍ପିଟାଲକୁ ନିଆଯାଇଥିବାବେଳେ ଗତକାଲି ଚିହ୍ନଟ ଅଫିସର ମାନଙ୍କୁ ଯାଜପୁର ଟାଉନ କୋଭିଡ କେୟାର ସେଣ୍ଟରକୁ ନିଆଯାଇଛି।
ଯାଜପୁରରୁ ଜ୍ଞାନରଞ୍ଜନ ଓଝା, ଇଟିଭି ଭାରତ
