ଯାଜପୁର: ପୋଲିସ ପାଟ୍ରୋଲିଂରେ ବେଳେ 4 ଡକାୟତ ଧରାପଡିଛନ୍ତି । ଗତ ବୁଧବାର ଯାଜପୁର ଜିଲ୍ଲା କଳିଙ୍ଗନଗର ଥାନା ଅନ୍ତର୍ଗତ ଡୁବୁରୀ ଡାକ୍ତରଖାନା ଛକ ନିକଟସ୍ଥ ଏକ ପରିତ୍ୟକ୍ତ ଘରେ ଚଢ଼ାଉ କରି ପୋଲିସ 4ଜଣ ଡକାୟତଙ୍କୁ ଗିରଫ କରିଛି । ତେବେ ଅନ୍ୟ 3ଜଣ ଡକାୟତ ଫେରାର ହୋଇଯାଇଥିବା ଜଣାପଡ଼ିଛି ।
ସୂଚନା ଅନୁଯାୟୀ, ଗତ ବୁଧବାର ଏହି ଗ୍ୟାଙ୍ଗ କୌଣସି ଏକ ଅପରାଧ ଘଟାଇବା ପାଇଁ ଯୋଜନା କରୁଥିବା ବେଳେ ପୋଲିସ ପେଟ୍ରୋଲିଂ ବେଳେ ଧରାପଡିଥିଲେ । ତେବେ ପୋଲିସ ସେମାନଙ୍କ ନିକଟରୁ ଗୋଟିଏ ଦେଶୀ ବନ୍ଧୁକ, ଖଣ୍ଡା, ଛୁରୀ ଓ ଦୁଇଟି ବାଇକ ଜବତ କରିଛନ୍ତି ।
ଗିରଫ ଡକାୟତଙ୍କ ମଧ୍ୟରୁ 3 ଜଣଙ୍କ ଘର ସୁକିନ୍ଦା ଓ ଅଶୋକଝର ଅଞ୍ଚଳରେ ହୋଇଥିବା ବେଳେ ଅନ୍ୟ ଜଣେ ଡ଼କାୟତଙ୍କ ଘର କେନ୍ଦୁଝର ଜିଲ୍ଲା ବଉଳା ମାଇନ୍ସ ଅଞ୍ଚଳରେ ବୋଲି ଜଣାପଡିଛି । ଗିରଫ ଡ଼କାୟତଙ୍କ ନାଁରେ ପୂର୍ବରୁ
ବିଭିନ୍ନ ଥାନରେ ଏକାଧିକ ମାମଲା ରହିଥିବା ଜଣାପଡିଛି । ଗତ ଶୁକ୍ରବାର ସେମାନଙ୍କୁ କଳିଙ୍ଗନଗର ପୋଲିସ କୋର୍ଟ ଚାଲାଣ କରିଛି ।
ଯାଜପୁରରୁ ଜ୍ଞାନ ରଞ୍ଜନ ଓଝା, ଇଟିଭି ଭାରତ
