ଜଗତସିଂହପୁର: ସନ୍ଦେହ ଜନକ ଅବସ୍ଥାରେ କେନାଲରୁ ଯୁବକଙ୍କ ମୃତଦେହ ଉଦ୍ଧାର । ଏଭଳି ଘଟଣା ଘଟିଛି ଜିଲ୍ଲାର ବାଗସାହି ଗ୍ରାମରେ । ମୃତକ ଜଣଙ୍କ ହେଉଛନ୍ତି ଉକ୍ତ ଅଞ୍ଚଳର ସତ୍ୟଜିତ ଦାସ ।
ମିଳିଥିବାସୂଚନାଅନୁଯାୟୀ, ଯୁବକ ଜଣଙ୍କ ଗତକାଲି ସକାଳୁ ସହରରେ ଥିବା କୋଲକାତା ବଜାରକୁ କାମ କରିବାକୁ ଯାଇ ଆଉ ଫେରି ନଥିଲେ । ତେବେ ଫେରିବାରେ ବିଳମ୍ବ ହେବାରୁ ଯୁବକଙ୍କୁ ପରିବାର ଲୋକେ ଖୋଜାଖୋଜି କରିଥିଲେ ମଧ୍ୟ ପତ୍ତା ମିଳିପାରି ନଥିଲା। ଫଳରେ ବିଳମ୍ବିତ ରାତିରେ ବାଗସାହି ଗ୍ରାମର ଏକ କେନାରେ ଯୁବକଙ୍କ ମୃତଦେହ ଓ ତାଙ୍କ ବାଇକ ଭାସୁ ଥିବାର ଦେଖି ପୋଲିସକୁ ଖବର ଦେଇଥିଲେ ।
ଘଟଣାସ୍ଥଳରେ ପୋଲିସ ପହଞ୍ଚି କେନାଲରୁ ମୃତ ଅବସ୍ଥାରେ ସତ୍ୟଜିତଙ୍କୁ ଉଦ୍ଧାର କରି ବ୍ୟବଚ୍ଛେଦ ପାଇଁ ପଠାଇଥିଲା । ତେବେ ଯୁବକ ଜଣଙ୍କ ଆତ୍ମହତ୍ୟା କରିଛନ୍ତି ନା ତାଙ୍କୁ ହତ୍ୟା କରାଯାଇଛି ସେନେଇ ପୋଲିସ ତଦନ୍ତ ଆରମ୍ଭ କରିଛି ।
ଜଗତସିଂହପୁରରୁ ସୁଶାନ୍ତ କୁମାର ପାତ୍ର, ଇଟିଭି ଭାରତ
