ଜଗତସିଂହପୁର: କୋରୋନା ଜନିତ ଲକଡାଉନରେ ଜିଲ୍ଲାରେ ଆରମ୍ଭ ହୋଇଛି ଟେଲି ମେଡିସିନ ସେବା । ଗୁରୁବାର ଠାରୁ ଜିଲ୍ଲା ମୁଖ୍ୟ ଚିକିତ୍ସାଳୟରେ ଆରମ୍ଭ ହୋଇଥିବା ଏହି ସେବା ପ୍ରତ୍ୟେକ ଦିନ ସକାଳ 8 ଟାରୁ ମଧ୍ୟାହ୍ନ 12 ଟା ପର୍ଯ୍ୟନ୍ତ ସାଧାରଣ ଲୋକଙ୍କ ପାଇଁ ଉପଲବ୍ଧ ରହିଛି । ଏଥିରେ ଲୋକେ ସିଧାସଳଖ ବିଶେଷଜ୍ଞ ଡାକ୍ତରଙ୍କ ସହ କଥା ହୋଇ ପରାମର୍ଶ ଗ୍ରହଣ କରିପାରିବେ ।
ଏନେଇ ଗୁରୁବାର ଜିଲ୍ଲା ସ୍ବାସ୍ଥ୍ୟ ବିଭାଗ ପକ୍ଷରୁ ଟେଲିଫୋନ ନମ୍ବର ଜାରି କରାଯାଇଛି। ବିଭାଗ ପକ୍ଷରୁ ହ୍ଵାଟ୍ସଆପ ମାଧ୍ୟମରେ ସିଧା ସଳଖ ଭଏସ କଲ ଓ ଭିଡିଓ କଲ କରିବାର ବ୍ୟବସ୍ଥା ମଧ୍ୟ କରାଯାଇଛି। ଏଥିପାଇଁ 8 ଜଣ ଡାକ୍ତରଙ୍କୁ ନିୟୋଜିତ କରାଯାଇଛି । ସେମାନେ ହେଲେ ସାଧାରଣ ଔଷଧ ପାଇଁ ଡ଼ଃ ଧିରେନ୍ଦ୍ର ସେନାପତି (9437935166), ଓପଥାଲ୍ମୋଲୋଜି ପାଇଁ ଡ଼ଃ ଅଶୋକ ମିଶ୍ର (9437334460), ଅବଷ୍ଟେଟ୍ରିକ୍ସ ଓ ଗାଇନାକୋଲୋଜି ପାଇଁ ଡ଼ଃ ରୁକ୍ମିଣୀ ଦେବୀ (9437228028), ପେଡିଆଟ୍ରିକ୍ସ ପାଇଁ ଚିନ୍ମୟକାନ୍ତ ଗୌଡ଼ (9437160652), ଡର୍ମାଟୋଲୋଜି ପାଇଁ ରଞ୍ଜନକାନ୍ତ ପଟ୍ଟନାୟକ (7008565944), ଇଏନଟି ବିଶେଷଜ୍ଞ ସିମନ୍ତିନୀ ରାଉତ (9938913055), ଅର୍ଥୋପେଡିକ ପାଇଁ ସତ୍ୟବ୍ରତ ଭୂୟାଁ (9437145679), ଓ ଡେଣ୍ଟାଲ ପାଇଁ ନୀଳାଦ୍ରି ପଣ୍ଡା (7978138460)ଙ୍କୁ ନିୟୋଜିତ କରାଯାଇଛି।
ଜଗତସିଂହପୁରରୁ ସୁଶାନ୍ତ କୁମାର ପାତ୍ର, ଇଟିଭି ଭାରତ
