ଜଗତସିଂହପୁର: ଗୁରୁ ନାଁରେ କଳଙ୍କ । ଶିକ୍ଷା ଦେଇ ପିଲାଙ୍କୁ ଭଲ ମଣିଷ କରିବା ବଦଳରେ ଶିକ୍ଷକଙ୍କ ଅଶିକ୍ଷିତ କାଣ୍ଡକାରନାମା । ତେବେ ଏପରି ଏକ ଅଭବାନୀୟ ଘଟଣା ଘଟିଛି କୁଜଙ୍ଗ ଥାନା ଅନ୍ତର୍ଗତ କାଠକୋଟ ପଞ୍ଚାୟତ ବାଣେଶ୍ବରା ଗ୍ରାମରେ । ଶିକ୍ଷକ ଜଣକ ନିଜ ବିଦ୍ୟାଳୟର ସପ୍ତମ ଶ୍ରେଣୀ ଛାତ୍ରୀଙ୍କୁ ଅସଦାଚରଣ କରିଛନ୍ତି।
ଖବର ଅନୁଯାୟୀ, ବାଣେଶ୍ବରା ଗ୍ରାମରେ ଥିବା ରତ୍ନମାଳୀ ଉଚ୍ଚ ପ୍ରାଥମିକ ବିଦ୍ୟାଳୟରେ ବିଜ୍ଞାନ ଶିକ୍ଷକ ଭାବେ ନିଯୁକ୍ତି ପାଇଛନ୍ତି ଦୀପକ ମହାପାତ୍ର । ସେ ସ୍କୁଲର ଜଣେ ସପ୍ତମ ଶ୍ରେଣୀରେ ପାଠ ପଢ଼ୁଥିବା ଛାତ୍ରୀଙ୍କୁ ବିଦ୍ୟାଳୟର ଏକ ରୁମକୁ ଡାକି ତାସହ ଅସଦାଚରଣ କରିଛନ୍ତି । ଏହାସହ ପାଖରେ ଥିବା ଅଙ୍ଗନବାଡ଼ି ଘରକୁ ଯିବା ପାଇଁ ବାଧ୍ୟ କରିଥିଲେ ।
ତେବେ ପୂର୍ବରୁ ଶିକ୍ଷକ ଜଣକ ଛାତ୍ରୀଙ୍କ ସହ ଅନେକ ଥର ଏଭଳି ଅସଦାଚରଣ କରିବା ସହ କାହାକୁ ଏ ବିଷୟରେ ନକହିବା ପାଇଁ ଧମକ ଦେଇଥିଲେ। ଶେଷରେ ବାଧ୍ୟ ହୋଇ ଛାତ୍ରୀ ଜଣକ ଆଜି ସମସ୍ତ ଘଟଣା ବିଷୟ ଘରେ ପରିବାର ଲୋକଙ୍କୁ ଜଣାଇଛି । ଏହାପରେ ପରିବାର ଓ ଗ୍ରାମବାସୀଙ୍କ ପକ୍ଷରୁ ଶିକ୍ଷକଙ୍କୁ ପ୍ରଥମେ ବିଦ୍ୟାଳୟର ଏକ ଗୄହରେ ବନ୍ଦକରି ଅଟକ ରଖିଯାଇଥିଲା । ଏ ସଂକ୍ରାନ୍ତରେ କୁଜଙ୍ଗ ଥାନାରେ ପରିବାର ପକ୍ଷରୁ ଏତଲା ଦିଆଯିବା ପରେ କୁଜଙ୍ଗ ପୋଲିସ ଶିକ୍ଷକଙ୍କୁ ଥାନାରେ ଅଟକ ରଖି ପଚରାଉଚରା ଜାରି ରଖିଛି।
ଜଗତସିଂହପୁରରୁ ସୁଶାନ୍ତ ପାତ୍ର, ଇଟିଭି ଭାରତ
