ଜଗତସିଂହପୁର: ଜିଲ୍ଲାର ପ୍ରମୁଖ ଶିକ୍ଷାନୁଷ୍ଠାନ ସ୍ବାମୀ ବିବେକାନନ୍ଦ ସୋୟଂ ଶାସିତ ମହାବିଦ୍ୟାଳୟରେ ଜାଲ ରେଜିଷ୍ଟ୍ରେସନ ନମ୍ବରକୁ ନେଇ ଅହରାତ୍ର ଧାରଣାରେ ବସିଛନ୍ତି ଛାତ୍ରଛାତ୍ରୀ ।
ଜାଲ ସାର୍ଟିଫିକେଟ ପ୍ରଦାନକୁ ନେଇ ଧାରଣାରେ ଏସ୍ଭିଏମ୍ କଲେଜ ଛାତ୍ରଛାତ୍ରୀ
2015ରୁ 2018 ବ୍ୟାଚର 124 ଜଣ ଛାତ୍ରଛାତ୍ରୀଙ୍କୁ ଫେକ୍ ରେଜିଷ୍ଟ୍ରେସନ ନମ୍ବରରେ ଆଡମିଶନ କରାଯାଇଥିଲା । ମାଇଗ୍ରେସନ ସାର୍ଟିଫିକେଟ ପାଇବାରୁ ବଞ୍ଚିତ ହେବାରୁ ଏହି ଘଟଣା ସାମ୍ନାକୁ ଆସିଥିଲା ।
ଏହି ଘଟଣାକୁ ନେଇ ସମ୍ପୃକ୍ତ ଛାତ୍ରଛାତ୍ରୀ କଲେଜ କତ୍ତୃପକ୍ଷ, ରାଜ୍ୟ ଉଚ୍ଚଶିକ୍ଷାବିଭାଗ, ମୁଖ୍ୟମନ୍ତ୍ରୀଙ୍କ ଦପ୍ତର ଓ ରାଜ୍ୟପାଳଙ୍କୁ ଭେଟି ଅଭିଯୋଗ କରିଥିଲେ । ବିବାଦ ବଢିବା ଦେଖି କଲେଜ କତ୍ତୃପକ୍ଷ 2 ମାସ ମଧ୍ୟରେ ରେଜିଷ୍ଟ୍ରେସନ ନମ୍ବର ଦିଆଯିବ ବୋଲି ପ୍ରତିଶୃତି ଦେଇଥିଲେ । କିନ୍ତୁ ଏହା ପୂରଣ ନହେବାରୁ ଗୁରୁବାରଠାରୁ ଅହୋରାତ୍ର କଲେଜ ସାମ୍ନାରେ ଧାରଣା ଦେଇଥିବା ଦେଖିବାକୁ ମିଳିଛି ।
ଜଗତସିଂହପୁରରୁ ସୁଶାନ୍ତ ପାତ୍ର, ଇଟିଭି ଭାରତ
