ଜଗତସିଂହପୁର: କୁଜଙ୍ଗ ଥାନା ଅନ୍ତର୍ଗତ କୋଠିଆ ସାହି ଗ୍ରାମରେ ଅଭାବନୀୟ ଘଟଣା । ଠାକୁର ପୂଜା କରୁଥିବା ସମୟରେ ଟଳିପଡିଲେ ଅବସରପ୍ରାପ୍ତ ପୋଲିସ କର୍ମଚାରୀ । ଘଟଣାସ୍ଥଳରେ ମୃତ୍ୟୁ ହୋଇଛି । ଅବସରପ୍ରାପ୍ତ ପୋଲିସ କର୍ମଚାରୀ ଜଣଙ୍କ ହେଉଛନ୍ତି କୃଷ୍ଣ ଚନ୍ଦ୍ର ମହାନ୍ତି । ତେବେ ତାଙ୍କୁ ତାଙ୍କ ପୁଅ ବୋହୂ ହତ୍ୟା କରିଥିବା ଅଭିଯୋଗ ଆଣିଛନ୍ତି ଦୁଇ ଝିଅ ଅଶ୍ମିରେଖା ମହାନ୍ତି ଓ ବିଜୟ ଲଷ୍ମୀ ମହାନ୍ତି ।
ମିଳିଥିବା ସୂଚନା ଅନୁଯାୟୀ, କୁଜଙ୍ଗ ବ୍ଲକ କୋଠିଆ ସାହିର ଅବସରପ୍ରାପ୍ତ ପୋଲିସ ଅଧିକାରୀ କୃଷ୍ଣ ଚନ୍ଦ୍ର ମହାନ୍ତି ରବିବାର ଦିନ 11ଟା ସମୟରେ ଠାକୁର ପୂଜା କରୁଥିଲେ । ଏହି ସମୟରେ ସେ ଅସୁସ୍ଥ ହୋଇ ପଡିବାରୁ ଘଟଣା ସ୍ଥଳରେ ହିଁ ତାଙ୍କର ମୃତ୍ୟୁ ହୋଇଯାଇଥିଲା । ପରେ କୁଜଙ୍ଗ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଥିବା ବେଳେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ପିତାଙ୍କ ମୃତ୍ୟୁ ଖବର ପାଇ ଦୁଇ ଝିଅ ରଶ୍ମିରେଖା ମହାନ୍ତି ଓ ବିଜୟ ଲଷ୍ମୀ ମହାନ୍ତି ତାଙ୍କ ପୁଅ ବୋହୂ ମିଶି ବାପାଙ୍କୁ ହତ୍ୟା କରିଥିବା ଅଭିଯୋଗ ଆଣିଛନ୍ତି । ତେବେ ମୃତକଙ୍କ ଶରୀରରେ ଏକ ପୋଡା ଚିହ୍ନ ଥିବା ଦେଖିବାକୁ ମିଳିଛି ।
ଏହା ମଧ୍ୟ ପଢନ୍ତୁ-ଦିଲ୍ଲୀରୁ ଟ୍ବିଟ ପରେ ଓଡ଼ିଶାରେ ଆକ୍ସନ, ଆଶୁତୋଷଙ୍କୁ ମିଳିଲା ସ୍ବାସ୍ଥ୍ୟ ସେବା
ଏନେଇ କୁଜଙ୍ଗ ଥାନାରେ ଅଭିଯୋଗ କରିବା ସହ ତଦନ୍ତ ଦାବି କରିଛନ୍ତି ଦୁଇ ଝିଅ । ସେ ଅଭିଯୋଗ କରିଛନ୍ତି ଯେ, ''ତାଙ୍କ ବାପା ସମ୍ପୁର୍ଣ୍ଣ ସୁସ୍ଥ ଥିଲେ। ବିଭିନ୍ନ ସମୟରେ ତାଙ୍କ ପୁଅ ଓ ବୋହୂ ନିର୍ଯାତନା ଦେବା ସହିତ ମାଡ଼ ମଧ୍ୟ ମାରୁଥିଲେ କୃଷ୍ଣଚନ୍ଦ୍ରଙ୍କୁ । ସମ୍ପତ୍ତିକୁ ନେଇ ତାଙ୍କ ବାପାଙ୍କୁ ହତ୍ୟା କରାଯାଇଥିବା ସେ ଅଭିଯୋଗ କରିଛନ୍ତି ''। ପୋଲିସ ଅଭିଯୋଗକୁ ଭିତ୍ତି କରି ମୃତଦେହ ଜବତ ପରେ ବ୍ୟବଚ୍ଛେଦ ପାଇଁ ପଠାଇ ବିଭିନ୍ନ ଦିଗରୁ ତଦନ୍ତ ଆରମ୍ଭ କରିଛି । ତେବେ କୃଷ୍ଣଚନ୍ଦ୍ରଙ୍କ ମୃତ୍ୟୁ କିପରି ହେଲା ତାହା ବର୍ତ୍ତମାନ ସୁଦ୍ଧା ଅସ୍ପଷ୍ଟ ରହିଛି ।
