ଜଗତସିଂହପୁର: ଜିଲ୍ଲାରେ ଆସନ୍ତାକାଲି(ଶୁକ୍ରବାର) କୋଭିଡ କଟକଣା ମଧ୍ୟରେ ସମସ୍ତ ବିଦ୍ୟାଳୟ ଖୋଲାଯିବ । ଏହାକୁ ନେଇ ଜିଲ୍ଲା ଶିକ୍ଷା ବିଭାଗ ପକ୍ଷରୁ ପ୍ରସ୍ତୁତି ଶେଷ ହୋଇଛି । ସରକାରୀ ଗାଇଡ଼ଲାଇନ ଅନୁସାରେ ସମସ୍ତ ସ୍କୁଲ ଗୃହ ଗୁଡିକୁ ସାନିଟାଇଜ କରାଯାଇଛି। ଛାତ୍ରଛାତ୍ରୀ ମାନଙ୍କ ମଧ୍ୟରେ ଯେପରି 5 ଫୁଟର ବ୍ୟବଧାନ ରହିବ ସେଥିପାଇଁ ବ୍ୟବସ୍ଥା କରାଯାଇଛି । ଗୋଟେ ଡେସ୍କରେ ମାତ୍ର 2 ଜଣ ପିଲାଙ୍କୁ ବସିବାକୁ ଦିଆଯିବ । ଗୋଟିଏ ଶ୍ରେଣୀ ଗୃହ ଭିତରେ ମାତ୍ର 20 ଜଣ ପିଲା ପାଠ ପଢ଼ିବାର ବ୍ୟବସ୍ଥା କରାଯାଇଛି ।
ସ୍କୁଲକୁ ଛାତ୍ରଛାତ୍ରୀ ମାନେ ଆସିବା ବେଳେ ପ୍ରଥମେ ହାତକୁ ସାନିଟାଇଜ କରିବା ସହ ମାସ୍କ ପିନ୍ଧିବା ବାଧ୍ୟତାମୂଳକ କରାଯାଇଛି । ଶ୍ରେଣୀ ଗୃହରେ କେହି କାହାକୁ ଯେପରି ସ୍ପର୍ଶ କରି ନପାରିବେ ସେଥିପାଇଁ ଦୃଷ୍ଟି ଦିଆଯାଉଥିବା ବିଭାଗ ପକ୍ଷରୁ କୁହାଯାଇଛି । ଦୀର୍ଘ 9 ମାସ ପରେ ସ୍କୁଲ ଖୋଲାଯାଉ ଥିବାରୁ ଛାତ୍ର ଛାତ୍ରୀ ଅଭିଭାବକ ଓ ଶିକ୍ଷକଙ୍କ ମଧ୍ୟରେ ଉତ୍କଣ୍ଠା ପ୍ରକାଶ ପାଇଛି ।
ଜଗତସିଂହପୁରରୁ ସୁଶାନ୍ତ କୁମାର ପାତ୍ର, ଇଟିଭି ଭାରତ
