ଜଗତସିଂହପୁର: କୁଜଙ୍ଗ ଥାନା ଅନ୍ତର୍ଗତ ରାହାମା ଚାନ୍ଦପୁର ଛକ ନିକଟରେ ମର୍ମନ୍ତୁଦ ସଡକ ଦୁର୍ଘଟଣା । ଅଟୋକୁ ଧକ୍କା ଦେଲା ଟାଟା ସଫାରୀ । ଫଳରେ ଦୁଇଟି ଯାନ ଭାରସାମ୍ୟ ହରାଇ ରାସ୍ତା ତଳକୁ ଖସି ପଡିଥିଲା । ଅଟୋରେ ଥିବା ଛଅ ଜଣ ଆରୋହୀଙ୍କ ଭିତରୁ ଜଣଙ୍କର ଘଟଣାସ୍ଥଳରେ ମୄତ୍ୟୁ ହୋଇ ଥିବାବେଳେ ଅନ୍ୟମାନେ ଗୁରୁତର ହୋଇଥିଲେ । ପ୍ରଥମେ ସେମାନଙ୍କୁ ମଣିଜଙ୍ଗା ମେଡିକାଲକୁ ପଠାଇ ଦିଆଯାଇଥିଲା।
ଭିଡିଓ ସୌଜନ୍ୟ : ପ୍ରତିନିଧି,ଜଗତସିଂହପୁର
ତେବେ ଚିକିତ୍ସିତ ସମୟରେ ଜଣେ ମହିଳାଙ୍କ ମୃତ୍ୟୁ ହୋଇଥିବା ଜଣାପଡିଛି । ଅନ୍ୟ ୪ଜଣ ଗୁରୁତର ଆହତଙ୍କୁ କଟକ ସ୍ଥାନାନ୍ତରିତ କରାଯାଇଛି । ତେବେ ମୃତାହତଙ୍କ ପରିଚୟ ମିଳିପାରିନାହିଁ।
ସୂଚନା ମୁତାବକ ଦୁଇଟି ଯାନ ରାହାମା ଅଭିମୁଖେ ଯାଉଥିବାବେଳେ ଟାଟା ସଫାରୀଟି ଅଟୋକୁ ପଛପଟୁ ଧକ୍କା ଦେଇଥିଲ । ଯାହା ଫଳରେ ଦୁଇଟି ଯାକ ଗାଡ଼ି ଭାରସାମ୍ୟ ହରାଇ ରାସ୍ତା ତଳକୁ ଖସି ପଡ଼ିଥିଲା । ତେବେ ଘଟଣାସ୍ଥଳରେ କୁଜଙ୍ଗ ପୋଲିସ ପହଞ୍ଚି ଘଟଣାର ଅନୁଧ୍ୟାନ କରୁଛନ୍ତି।
ଜଗତସିଂହପୁରରୁ ସୁଶାନ୍ତ ପାତ୍ର, ଇଟିଭି ଭାରତ
