ଜଗତସିଂହପୁର: ଉତ୍ତର ପ୍ରଦେଶ ହାଥରସ ଗଣଦୁଷ୍କର୍ମ ଓ ହତ୍ୟା ଘଟଣାକୁ ନେଇ ସାରା ଦେଶରେ ଆନ୍ଦୋଳନ ତୀବ୍ର ହେବାରେ ଲାଗିଛି । ଏନେଇ ଶନିବାର ପ୍ରଗତିଶୀଳ ଜନମଞ୍ଚ ପକ୍ଷରୁ ଏହି ଘଟଣାର ପ୍ରତିବାଦ କରାଯିବା ସହ ଜିଲ୍ଲା ପୌର ପରିଷଦ କାର୍ଯ୍ୟାଳୟରେ ବିକ୍ଷୋଭ ପ୍ରଦର୍ଶନ କରାଯାଇଥିଲା ।
ପୀଡିତାଙ୍କ ଅନ୍ତିମ ସଂସ୍କାରକୁ ନେଇ ମଧ୍ୟ ହାଥରସ ପ୍ରଶାସନ ଉପରେ ବଡ ପ୍ରଶ୍ନ ଉଠିଛି । ପୀଡିତାଙ୍କୁ ରାତି ଅଧିଆ ପ୍ରାୟ ୨ଟା ୩୦ରେ ଅନ୍ତ୍ୟେଷ୍ଟି କରାଯାଇଥିଲା । ପରିଜନଙ୍କ ଅନୁରୋଧକୁ ମଧ୍ୟ କର୍ତ୍ତୃପକ୍ଷ ଶୁଣିନଥିଲା । ତେବେ ଏନେଇ ସମ୍ପୃକ୍ତ ଅପରାଧୀ ମାନଙ୍କ ବିରୋଧରେ ଦୃଷ୍ଟାନ୍ତ ମୂଳକ କାର୍ଯ୍ୟାନୁଷ୍ଠାନ ଗ୍ରହଣ କରାଯିବା ସହ ଉତ୍ତର ପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟ ନାଥଙ୍କ ଇସ୍ତଫା ଦାବି କରିଛି ସଂଗଠନ । ବିକ୍ଷୋଭକାରୀ ମନେ ମୃତ ପୀଡିତାଙ୍କ ଶ୍ମୃତିରେ ନିରବ ପାର୍ଥନା ମଧ୍ୟ କରିଥିଲେ ।
ଏହି ପ୍ରତିବାଦ ସଭାରେ ଆବାହିକା ପ୍ରାଚୀ ପଟ୍ଟନାୟକ, କୃଷ୍ଣ ପ୍ରିୟା ପତି, ବନ୍ଦନା ବେହେରା ପ୍ରମୁଖ ଉପସ୍ଥିତ ଥିଲେ ।
ଜଗତସିଂହପୁରରୁ ସୁଶାନ୍ତ କୁମାର ପାତ୍ର, ଇଟିଭି ଭାରତ
