ଜଗତସିଂହପୁର: ଜିଲ୍ଲା କୋର୍ଟ ପରିସରରେ ଶୁକ୍ରବାର ଅନୁଷ୍ଠିତ ହୋଇଛି ଏକ କ୍ଷୁଦ୍ର ଲୋକ ଅଦାଲତ । ଜିଲ୍ଲା ଆଇନ ସେବା ପ୍ରାଧିକରଣ ପକ୍ଷରୁ ଅନୁଷ୍ଠିତ ଏହି ଲୋକ ଅଦାଲତରେ ଦୁର୍ଘଟଣାଜନିତ ମାମଲାର ବିଚାର କରାଯାଇଥିଲା । ଜିଲ୍ଲା ଜଜ୍ ଜଷ୍ଟିସ ମାଧବଚନ୍ଦ୍ର ବେହେରା ଓ ଅତିରିକ୍ତ ଜିଲ୍ଲା ଜଜ୍ ଇତିଶ୍ରୀ ମାଳବିକା ଭୂୟାଁ ଏଥିରେ ସାମିଲ ହୋଇ 22ଟି ମାମଲାର ବିଚାର କରି 97,80,000 ଆଦାୟ କରିବା ସହ ମାମଲାର ସମାଧାନ କରାଯାଇଥିଲା ।
ଆୟୋଜିତ ଏହି ଅଦାଲତରେ ନିକଟରେ ଆଖି ବୁଜିଥିବା ଧୀରଜ ନାୟକଙ୍କ ମାମଲାର ବିଚାର କରାଯାଇ କ୍ଷତିପୂରଣ ବାବଦରେ ରିଲାଏନ୍ସ ଜେନେରାଲ ବୀମା କମ୍ପାନୀକୁ 7 ଲକ୍ଷ 90 ହଜାର ଟଙ୍କା ଯୋଗାଇବା ପାଇଁ ନିର୍ଦ୍ଦେଶ ଦିଆଯାଇଥିଲା । ନିର୍ଦ୍ଦେଶ ମୁତାବକ ମୃତକଙ୍କ ପତ୍ନୀ ତୁଳସୀଙ୍କୁ କୋର୍ଟ ପରିସରରେ ଅର୍ଥ ରାଶି ପ୍ରଦାନ କରାଯାଇଥିଲା ।
ଜଗତସିହପୁରରୁ ସୁଶାନ୍ତ କୁମାର ପାତ୍ର, ଇଟିଭି ଭାରତ
