ପାରାଦ୍ବୀପ: ଜଗତସିଂହପୁର ଜିଲ୍ଲାବାସୀଙ୍କ ପାଇଁ ଖୁସି ଖବର । ବିଶ୍ବସ୍ତରୀୟ ହେବ ପାରାଦ୍ବୀପ ବନ୍ଦର । ବନ୍ଦର ବିକାଶ ପାଇଁ ଯୋଜନା ପ୍ରସ୍ତୁତ କରୁଛନ୍ତି କେନ୍ଦ୍ର ସରକାର । ବନ୍ଦର ଭିତ୍ତିଭୂମିର ବିକାଶ ପାଇଁ ବିନିଯୋଗ ହେବ 3,004.63 କୋଟି ଟଙ୍କା । ଏନେଇ କେନ୍ଦ୍ର ଜାହାଜ ଚଳାଚଳ ମନ୍ତ୍ରୀ ସର୍ବାନନ୍ଦ ସୋନୱାଲା ଘୋଷଣା କରିଛନ୍ତି।
କେନ୍ଦ୍ର ସରକାର ପୂର୍ବ ଭାରତର ବିକାଶକୁ ପ୍ରାଥମିକତା ଦେଇଛନ୍ତି । ଏହାକୁ ଦୃଷ୍ଟିରେ ରଖି ପାରାଦ୍ବୀପ ବନ୍ଦରକୁ ବିଶ୍ଵ ସ୍ତରୀୟ କରାଯିବାକୁ ନିଷ୍ପତ୍ତି ନିଆଯାଇଛି । ଏହି ପ୍ରକଳ୍ପ ଜରିଆରେ ପାରାଦ୍ବୀପ ବନ୍ଦର ଭିତର ପୋତାଶ୍ରୟକୁ ଗଭୀର କରାଯିବା ସହ ନିର୍ମାଣାଧୀନ ପଶ୍ଚିମ ଡକର ବିକାଶ, ଆଧୁନୀକରଣ ପିପିପି ମୋଡ଼ରେ କରାଯିବାକୁ ନିଷ୍ପତ୍ତି ହୋଇଛି । ସେହିଭଳି B.T.O ଓ ଡ୍ରେଜିଙ୍ଗ ଭିତ୍ତିକ ବିକାଶ ପାଇଁ ଯଥାକ୍ରମେ 3 ଶହ 52 କୋଟି 13 ଲକ୍ଷ ଟଙ୍କା ଓ 2 ଶହ 0 40 ଲକ୍ଷ ଟଙ୍କା ବ୍ୟୟ କରାଯିବ।
ସେହିପରି ସହକାରୀ ପ୍ରକଳ୍ପ ଭିତ୍ତିଭୂମିର ବିକାଶ ପାଇଁ 6 ଶହ 12 କୋଟି 50 ଲକ୍ଷ ଟଙ୍କା ବିନିଯୋଗ କରାଯିବାକୁ କେନ୍ଦ୍ର ସରକାର ନିଷ୍ପତ୍ତି ନେଇଛନ୍ତି । ଏହି ପ୍ରକଳ୍ପ ଆର୍ଥିକ, ସାମାଜିକ ଓ ପରିବେଶ ଦୃଷ୍ଟିରୁ ଅନୁକୂଳ ହେବ ।
