ଜଗତସିଂହପୁର: ଜିଲ୍ଲାରେ ବୁଧବାର ଦିନ ପୁଣି 20ଜଣ କୋରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ସେମାନଙ୍କ ମଧ୍ୟରୁ ବାଲିକୁଦାରୁ 3, ବିରିଡିରୁ 3, ଜଗତସିଂହପୁର ସହରରୁ 6, କୁଜଙ୍ଗରୁ 3, ପାରାଦୀପରୁ 2, ତ୍ରିତ୍ତୋଲରୁ 2 ଓ ରଘୁନାଥପୁର ରୁ ଜଣେ ଚିହ୍ନଟ ହୋଇଛନ୍ତି।
ସେମାନଙ୍କ ମଧ୍ୟରୁ 3 ଜଣ ତାମିଲନାଡ଼ୁ, ତେଲେଙ୍ଗାନାରୁ ଆସିଥିବା ବେଳେ 3 ଜଣ କଟକ ଏସିବିରୁ ଅନ୍ୟ ରୋଗପାଇଁ ଚିକିତ୍ସିତ ହେବାକୁ ଯାଇ କୋରୋନା ଆକ୍ରାନ୍ତ ହୋଇଥିଲେ। ସେହିଭଳି ଜଗତସିଂହପୁରରୁ ଚିହ୍ନଟ ହୋଇଥିବା 6ଜଣଙ୍କ ମଧ୍ୟରୁ 5 ଜଣ ହୋମ କ୍ବାରେଣ୍ଟାଇନରେ ରହିଥିଲେ । ଅନ୍ୟ ଜଣେ କଟକ ଏସସିବିର ନ୍ୟୁରୋ ବିଭାଗରେ ଚିକିତ୍ସିତ ହେଉଥିଲେ।
ବର୍ତ୍ତମାନ ସୁଦ୍ଧା ଜିଲ୍ଲାରେ ମୋଟ 801ଜଣ ପଜିଟିଭ ଚିହ୍ନଟ ହୋଇ ସାରିଲେଣି। ସେମାନଙ୍କ ମଧ୍ୟରୁ 624 ଜଣ ସୁସ୍ଥହୋଇ ଘରକୁ ଫେରିଥିବା ବେଳେ ଏବେ ସୁଦ୍ଧା 173 ଜଣ ସକ୍ରିୟ ଆକ୍ରାନ୍ତ ବିଭାଗ କୋଭିଡ ହସ୍ପିଟାଲରେରେ ଚିକିତ୍ସାଧିନ ଅଛନ୍ତି। ତେବେ କୋରୋନା ଜନିତ ମୃତ୍ୟୁସଂଖ୍ୟା 2ରେ ସ୍ଥିର ରହିଛି।
ଜଗତସିଂହପୁରରୁ ସୁଶାନ୍ତ କୁମାର ପାତ୍ର, ଇଟିଭି ଭାରତ
