ପାରାଦ୍ୱୀପ: ଜାତୀୟ ସମର ଶିକ୍ଷାର୍ଥୀ ବାହିନୀ ପକ୍ଷରୁ ଏକ ସପ୍ତାହ ବ୍ୟାପୀ କାର୍ଗିଲ ବିଜୟ ଦିବସ ପାଳନ କରାଯାଉଛି । ଗୁରୁବାର ଏହି ଅବସରରେ ଜାତୀୟ ସମର ଶିକ୍ଷାର୍ଥୀ ବାହିନୀ ପକ୍ଷରୁ ଏକ ସାଇକେଲ ଶୋଭାଯାତ୍ରା ପାରାଦ୍ୱୀପ ସହର ପରିକ୍ରମା କରିବା ସହ ଭାରତୀୟ ସୀମାରେ ବୀର ଯବାନ ମାନଙ୍କ ତ୍ୟାଗ ଓ ବଳିଦାନର କଥା ପ୍ରଚାର ପ୍ରସାର କରାଯାଇଛି ।
ପାରାଦ୍ୱୀପରେ କାର୍ଗିଲ ବିଜୟ ଦିବସ ପାଳିତ
ଚଳିତ ବର୍ଷ ସମର ଶିକ୍ଷାର୍ଥୀ ବାହିନୀ ପକ୍ଷରୁ ଏକ ସପ୍ତାହ ବ୍ୟାପୀ ବିଜୟ ଦିବସ ପାଳନ କରାଯାଉଛି । ଗତ ୧୯ ତାରିଖରୁ ଆରମ୍ଭ ହୋଇଥିବା ଏହି କାର୍ଯ୍ୟକ୍ରମ ଜୁଲାଇ ୨୬ତାରିଖ ପର୍ଯ୍ୟନ୍ତ ଚାଲିବ । ଏହି ଅବସରରେ ଦେଶାତ୍ମବୋଧକ ସଙ୍ଗୀତ ପ୍ରତିଯୋଗିତା ସହ ଚିତ୍ରାଙ୍କନ ଓ କାର୍ଗିଲରେ ଶହୀଦ ହୋଇଥିବା ବୀର ଯବାନମାନଙ୍କ ବଳିଦାନ ସମ୍ପର୍କରେ ଭାଷଣ ପ୍ରତିଯୋଗିତା ଅନୁଷ୍ଠିତ ହେଉଛି ।
ଇଟିଭି ଭାରତ, ଜଗତସିଂହପୁର
