ଜଗତସିଂହପୁର: ଜିଲ୍ଲାପାଳଙ୍କ ଆବାସିକ କାର୍ଯ୍ୟାଳୟ ସମ୍ମୁଖରେ କିଛି ଦୁର୍ବୃତ୍ତ ଦୀର୍ଘ 2 ଘଣ୍ଟାକାଳ ଆତଙ୍କରାଜ ସୃଷ୍ଟି କରିବା ଘଟଣା ଚର୍ଚ୍ଚାର ବିଷୟ ପାଲଟିଛି । ମାରଣାସ୍ତ୍ର ଧରି ଲୋକଙ୍କୁ ଆକ୍ରମଣ କରିବାକୁ ଗୋଡ଼ାଇବା ସହ ରାସ୍ତା କଡରେ ଥିବା ଗାଡି ଗୁଡିକ ଭଙ୍ଗାରୁଜା କରିଥିଲେ କିଛି ଯୁବକ ।
ଜଗତସିଂହପୁର ସହରରେ ଦୁର୍ବୃତ୍ତଙ୍କ ଆତଙ୍କରାଜ, ଗାଡି ଭଙ୍ଗାରୁଜା
ଯେଉଁମାନେ ଏହାର ବିରୋଧ କରୁଥିଲେ ଦୃର୍ବୁତ୍ତ ମାନେ ସେମାନଙ୍କୁ ଅତର୍କିତ ଆକ୍ରମଣ କରିଥିଲେ । ଖବର ପାଇ ଜଗତସିଂହପୁର ଏସପି ଆର ପ୍ରକାଶ ଘଟଣା ସ୍ଥଳରେ ପହଞ୍ଚିଥିଲେ । ତେବେ ଏହା ପୂର୍ବରୁ ସେମାନେ ସେଠାରୁ ଖସି ପଳାଇଥିଲେ ।
ପରେ ଜଗତସିଂହପୁର ଆଇଆଇସି ରଜନୀକାନ୍ତ ମିଶ୍ର ପହଞ୍ଚି ଘଟଣାର ତଦନ୍ତ ଆରମ୍ଭ କରିଛନ୍ତି । ଦୀର୍ଘ ସମୟ ଧରି ସହରରେ ଦୁର୍ବୃତ୍ତ ମାନେ ଆତଙ୍କ ରାଜ ଚଳାଇ ଥିଲେ ମଧ୍ୟ ବିଳମ୍ବରେ ପୋଲିସ ପହଞ୍ଚିବାକୁ ନେଇ ସାଧାରଣରେ ଅସନ୍ତୋଷ ଦେଖାଦେଇଛି ।
ଜଗତସିଂହପୁରରୁ ସୁଶାନ୍ତ କୁମାର ପାତ୍ର, ଇଟିଭି ଭାରତ
