ଜଗତସିଂହପୁର: ଜିଲ୍ଲା ନବ ନିର୍ମାଣ କୃଷକ ସଙ୍ଗଠନ ପକ୍ଷରୁ ଜଗତସିଂହପୁର ଜିଲ୍ଲାପାଳଙ୍କ କାର୍ଯ୍ୟାଳୟ ପରିସରରେ ଉପବାସ ରଖାଯାଇ ଧାରଣା ଦିଆଯାଇଛି । ସଙ୍ଗଠନର ଏକ ପ୍ରତିନିଧି ମଣ୍ଡଳୀ ଜିଲ୍ଲାପାଳଙ୍କୁ ଭେଟି ୧୬ ଦଫା ଦାବି ସମ୍ବଳିତ ଦାବିପତ୍ର ପ୍ରଦାନ କରିଛି । ପ୍ରସାଶନ ପକ୍ଷରୁ ଗତ ମାର୍ଚ୍ଚ ମାସ ଠାରୁ ଖରିଫ ଧାନ ସଂଗ୍ରହ କାରାଯାଉ ନାହିଁ ବୋଲି ଅଭିଯୋଗ କରିଛି ସଙ୍ଗଠନ ।
ଜିଲ୍ଲାପାଳ ଅଫିସ ପରିସରରେ ଜଗତସିଂହପୁର ନବ ନିର୍ମାଣ କୃଷକ ସଙ୍ଗଠନର ଧାରଣା
ଜିଲ୍ଲାର ମଣ୍ଡିରେ ଧାନ ପଡି ରହି ଖତ ହେବାକୁ ବସିଲାଣି । ଅନ୍ୟ ପକ୍ଷରେ କୋରୋନାକୁ ନେଇ ଓମଫେଡ ଦୁଗ୍ଧ ସଂଗ୍ରହ କରୁନଥିବାରୁ ଚାଷୀମାନେ ସଙ୍କଟରେ ପଡିଛନ୍ତି । ଦୁଗ୍ଧଜାତ ଦ୍ରବ୍ୟ ଅଭାବୀ ବିକ୍ରି ହେଉଛି । ଏଥିପ୍ରତି ଦୃଷ୍ଟି ଦେଇ ସରକାର ତୁରନ୍ତ ଚାଷୀଙ୍କୁ କ୍ଷତିପୂରଣ ଦେବା ସହ ମାସିକ ୫ ହଜାର ଟଙ୍କା ଭତ୍ତା ଦେବାକୁ ସଙ୍ଗଠନ ଦାବି କରିଛି ।
ଜଗତସିଂହପୁରରୁ ସୁଶାନ୍ତ କୁମାର ପାତ୍ର, ଇଟିଭି ଭାରତ
